TIRANE- Dëshira e deputetit Frroku për të shkuar në Belgjikë me qëllim ndjekjen e seancës gjyqësore të 19 tetorit 2015 në gjykatën e Brukselit, duket se do rrëzohet nga Prokuroria e Përgjithshme. Kjo pasi, duke ju referuar dispozitave ligjore Shqiptare dhe disa neneve të Kushtetutës, nuk prashikohet transferimi i të arrestuarve nga Shqipëria në Belgjikë, për pjesëmarjen në proces gjykimi.

Kjo pasi edhe në Shqipëri është iniciuar një proces gjyqësor ndaj deputetit të Kuvendit të Shqipërisë, për akuzën e vrasjes së Aleksandër Kurtit. Nisur nga kjo situata Frrokut i lind e drejta për të dhënë pretendimet e tij në Shqipëri, dhe më pas këto pretendimi i dërgohet nëpërmjet një letërporosie në shtetin Belg, ku dhe i paraqiten trupit gjykues. Por kjo varet gjithmonë në vullnetin e të arrestuarit Frroku, nëse ai do pranojë të japë shpjegime në Shqipëri.