Vrasja e Soleimanit/Pompeo kritik me vendet europiane: Nuk jeni ndihmues, Giuseppe Conte: BE të shprehet pa hipokrizi

Sekretari Amerikan i Shtetit, Mike Pompeo kritikoi mbështetjen e munguar të europianëve pas vrasjes së gjeneralit Iranian Soleimani nga ushtria amerikane.

Pompeo tha sot për televizionin Fox News, se aleatët europianë nuk ishin aq ndihmues sa kishte shpresuar ai.

Vrasja e Soleimanit në Irak u urdhërua nga presidenti Trump dhe u përshëndet nga republikanët dhe Izraeli kurse krerë të tjerë shtetesh dhe qeverish perëndimore paralajmëruan shkallëzim të gjendjes në Lindjen e Afërt.

Pompeo tha për Fox News se i kishte telefonuar funksionarëve në disa vende për të folur mbi sulmin.

“I kam kaluar ditët e fundit duke folur me partnerët në rajon, duke i treguar çfarë po bënim dhe përse po e bënim, dhe përse kërkonim asistencën e tyre. Të gjithë ishin fantastikë. Pastaj, folëm më partnerët tanë në vende të tjera, të cilët nuk qenë po kaq të mirë. Për tu treguar i sinqertë, europianët nuk ka ndihmuan ashtu siç do të kishim dëshiruar”, është shprehur shefi i diplomacisë amerikane duke shtuar se “në veçanti britanikët, francezët dhe gjermanët duhet ta kuptojnë se ajo që bëmë, ajo që amerikanët bënë, ka shpëtuar jetë edhe në Europë”.

Në përshkallëzimin e situatës në Lindjen e Mesme nga qeveria italiane vjen thirrja për moderim nga kryeministri Giuseppe Conte dhe Ministri i Jashtëm Luigi Di Maio.

Conte nga ‘Palazzo Chigi’ tha se nga palët në konflikt duhet dialog dhe sens përgjegjësie dhe se BE mund të luajë një rol themelor dhe të ofrojë një kontribut vendimtar për zgjidhjen e krizës.

Ministri i Jashtëm Luigi Di Maio tha se "Përparësia jonë është të luftojmë ISIS dhe se komuniteti ndërkombëtar duhet të ketë kujdes, të jetë i qartë dhe të shprehet pa hipokrizi”.

Lajmi kryesor:

3 raketa bazës amerikane në Bagdad, 2 pranë ambasadës, vrasja e komandantit pro-iranian të milicisë! Thirrjet në funeral: Vdekje Amerikës (VD)

/Shqiptarja.com

TAG:
• Antonio Guterres
• Qassem Soleimani
• Kerbala
• Bagdad
• Hashd al Shaabi
• Shibl al Zaidi
• Najaf