Vrasja e të burgosurit shqiptar në burgun grek, 97 minutat e terrorit dhe vdekja me tortura e Ilia Karelit

Ilia Kareli dhe guardianët grekë në korridoret e burgut

7 vite e gjysmë më parë, në burgun Nigrita në Greqi, Kudret Kume, i njohur ndryshe si Ilia Kareli, është torturuar dhe më pas është vrarë në mënyrë barbare.  Media greke Protothema.gr ka rikthyer në vëmendje atë ngjarje shokuese duke dhënë detaje se si e gjetën gardianët e burgut shqiptarin e masakruar.

Makthi i hakmarrjes ndodhi në qelitë ku u regjistruan akte tronditëse dhune. Në dokumentin e siguruar nga gazeta greke zbulohen detaje rrëqethëse për mënyrën sesi përfundoi i burgosuri shqiptar. Ai u torturua nga zyrtarët e burgut në burgun Nigrita menjëherë pasi kishte vrarë një burg në burgun Malandrino me një thikë të improvizuar.

Në dosjen e çështjes thuhet se se rezultati i autopsisë zbuloi se Kareli kishte hemorragji në kokë dhe më shumë se 30 plagë në pjesë të ndryshme të trupit. Po ashtu dëmtime kishin pësuar edhe arteriet koronare. Në dosje theksohet se Ilia Kareli vdiq si pasojë e sulmit ishemik të miokardit, por ajo që bie në sy është fakti se në dosje shkruhet se vdekja e tij ka qenë e papritur. Autopsia zbuloi një hemorragji në kokë, ndërsa zbulohet se Kareli kishte lëndime në më shumë se 30 vende . Raportohet se arteriet e tij koronare ishin gjithashtu të lënduara.

“Tortura që i është bërë të akuzuarit lidhet kronologjikisht me vdekjen e tij. Ajo i shkaktoi stres dhe dhimbje të fortë viktimës, e cila aktivizoi mekanizmin e sulmit ishemik. Vdekja e Karelit nuk është vetëm për shkak të ishemisë së miokardit, por edhe për shkak të lëndimeve”, theksohet në dosjen e siguruar nga media greke.

Koha e vdekjes

Ilia Kareli, 42-vjeç nuk arriti të jetojë më shumë se 7.5 orë në burgun “Nigrita”. Ai u transferua në këtë burg në orën 15.40 dhe u gjet i pajetë në orën 23.15. Por nuk përjashtohet mundësia që të ketë ndërruar jetë edhe më parë, pasi e çuan në qelinë e tij të rrahur në orën 18.38. Autopsia që iu bë trupit të tij zbuloi se Kareli kishte marrë goditje të vazhdueshme në të gjithë trupin. Ndër torturat ishte hedhja e ujit shumë të ftohtë nga rojet e burgut në dhomën që njihet si “frigorifer” i burgjeve. Tortura vazhdoi dhe më pas u la në qeli i plagosur rëndë.

“Ata përdorën një gërshet të improvizuar me një çarçaf, i cili ishte konfiskuar në të kaluarën nga kontrollet në qelitë e të ndaluarve. Me këtë, ata shkaktuan goditje të shumta, në mënyrë metodike dhe të organizuar, në një zonë që nuk u filmua, padyshim sepse nuk do të ishte e mundur të hetohej më vonë se kush kryente veprime specifike”, thuhet në dosje.

Hakmarrja

Në dosjen prej 60 faqesh tortura nga ana e gardianëve i atribuohet hakmarrjes për shkak të humbjes së jetës të një kolegu të tyre ën burgun e  Malandrinos. Në këtë burg kishte qëndruar më parë Kareli, para se të transferohej në burgun “Nigrita”.

K.T./Shqiptarja.com
  • Sondazhi i ditës:

    Sipas jush Kushtetuta vetëm duhet ndryshuar apo duhet një e re?

Komento

Komente

  • Trnakop Kacija: 27/09/2021 04:37

    E ka lyp dhe e ka gjet - ne burg e masakron gardianin dhe cka pret?! Ne fund te fundit pak me vjen keq per familjen e tij ndersa per te JO.

    Përgjigju


×

Lajmi i fundit

John

Mungesa e transportit për fëmijët në shkolla bën bashkë PS-PD në Kuvend: Të gjendet një zgjidhje! Ministrja e Arsimit: Nesër në 11 takim me kryebashkiakët