Vrasja e ushtarit, ‘tërbohet’ politikani grek : Të zhdukim shqiptarët, kështu Rama s’do ngrejë dorë ndaj nesh

Kryetari i Partisë nacionaliste greke “e Djathta e Re”, Phaselos Kranidiotis ka reaguar këtë të hënë ndaj vrasjes së ushtarit grek nga forcat RENEA në Bularat të Gjirokastrës.

 Politikani Phaselos Kranidiotis i është drejtuar përmes rrjeteve sociale palës shqiptare, duke u shprehur me tone të ashpra: “Të zhdukim të gjithë vrasësit e heroit Kaçifas, kjo është e vetmja mënyrë që Edi Rama të mos guxojë të ngrejë dorën ndaj grekëve”. Kjo deklaratë e politikanit nacionalist vjen pas një takimi që ai ka pasur për çështjen e emigrantëve në Greqi.

Kranidiotis i ka cilësuar më tej shqiptarët si bashkëpunëtorë të nazizmit. “Vranë,dogjën dhe plaçkitën Epirin Grek. Është e pakonceptueshme që Shqipëria të jetojë nga remitancat që vijnë nga Greqia”, ka shkruar ai më tej. 

Ai ka përmendur ndër të tjera edhe “Protokollin e korfuzit”, i cili është akt i Komisionit Ndërkombëtar të Kontrollit i nënshkruar me qeverinë greke në emër të qeverisë së Princ Vidit, i cili nuk u realizua si pasojë e qëndresës së popullit shqiptar. Sipas këtij protokolli, vendosej një pozitë e veçantë e krahinave të jugut duke i dhënë një lloj autonomie për krijimin e një administrate më vete; një xhandamëri lokale që do vepronte vetëm në krahinat jugore; njohje të greqishtes si gjuhës e vetme fetare e komunitetit Ortodoks, ndërsa në organe shtetërore greqishtja do ishte gjuhë e barabartë me gjuhën shqipe.

TAG:
• Phaselos Kranidiotis
• Kostandin Kacifas