TIRANE- Vrasja e trefishtë që tronditi qendrën e Tiranës, pikërisht në ditët kur kryeqyteti ishte vizituar nga kryeministri serb, Aleksandër Vuçiç, mësohet të ketë vënë në lëvizje dhe një oficer kontakti të ambasadës hollandeze në Shqipëri.

Shfaqja e interesit nga ana e tij, tek zyrtarët e lartë të Policisë së Shtetit, është bërë për shkak se ngjarja e 27 majit e ndodhur në bulevardin “Zogu i parë”, lidhet ngushtësisht me vrasjen e 6 prillit 2015 në Roterdam të Hollandës të shtetasit Durim Sula allias Ilirjan Sulku.