Vrasja në Gjakovë, vëllai denoncon
vëllanë, 2 persona të tjerë në kërkim

Vrasja e trefishtë pasditen e djeshme në qytetin e Gjakovës dyshohet se ka ardhur si pasojë e disa “hesapeve të vjetra të pashlyera”  kohë më parë. 

I dyshuari kryesor për vrasjen e  Valon dhe Ali Islamajt dhe të Zef Krasniqit, Gjelbron Gjoshi është shoqëruar në polici  mbrëmjen e kaluar. Burime për gazetën Express bëjnë me dije se  Gjoshi ka deklaruar se vrasjen e ka kryer vëllai i tij, Veton Gjoshi nga Smolica dhe Shkëlqim Shala nga Cermjani. 

Dy viktimat Vëllezërit Valon dhe Ali Islamaj, të njohur dhe si vëllezërit Madanaj janë emra të njohur për policinë e Kosovës. Uniformat blu janë në kërkim të të dyshuarve kryesorë e ndërsa po vijon bastisjen në vende të ndryshme, përfshirë këtu edhe shtëpinë e të dyshuarve. 

Vëllezërit Valon dhe Ali Islamaj, të njohur si vëllezërit Madanaj, si dhe Zef Krasniqi nga fshati Meçe, mbetën të vrarë pasditen e djeshme në rrugën “Ismail Qemali” në Gjakovë.


I dyshuari për vrasjen e trefishtë në Gjakovë, Gjelbron Gjoshi


Redaksia Online
(B.K/shqiptarja.com)