POP 5

Lajmet më të lexuara të 5 minutave të fundit

Sociale

Lajme nga emisionet

Vrasja në Gjorm të Vlorës, flet kryetari i Shoqatës së të Verbërve: E pamundur që një i verbër të mund të dhunojë! Drejtësia do të thotë fjalën e fundit

Për shoqatën e të verbërve është e paimagjinueshme që i moshuari, i cili u vra 6 ditë më parë nga djali i tij, në fshatin Gjorm të Vlorës të ketë ushtruar dhunë sistematike ndaj të birit, i cili vendosi t’i merrte jetën babait të tij të verbër duke vendosur kallëpe me tritol brenda një sobe gazi.

Për shoqatën e të verbërve është e paimagjinueshme që i moshuari, i verbër i cili u vra 6 ditë më parë nga djali i tij, në fshatin Gjorm të Vlorës të ketë ushtruar dhunë sistematike ndaj të birit, i cili vendosi t’i merrte jetën babait të tij të verbër duke vendosur kallëpe me tritol brenda një sobe gazi.

I ftuar në emisionin ‘Studio Live’ në Report Tv me gazetarin Arbër Hitaj, kryetari i shoqatës së të verbërve Ardian Hysa komentoi ngjarjen e rëndë që tronditi Vlorën mëngjesin e 1 shtatorit.

Sipas tij , dyhsimet se Durmish Glluçaj dhunonte rregullisht djalin e tij 23-vjeçar, i cili i mori dhe jetën në formë hakmarrje janë të palogjikshme dhe të paimagjinueshme.

“Ngjarja është tragjike dhe tragjizmin e kësaj situate e shton fakti se kemi të bëjmë me një viktimë që është i verbër dhe është person me aftësi të kufizuara. Reagimi ynë, si shoqatë ka qenë i tillë për faktin se është e vështirë, për mua faktikisht është groteske të mendosh se një person me aftësi të kufizuara, totalisht i verbër të ushtrojë dhunë sistematike ashtu sikurse dyshohet. Është tragji-komike të mendosh se një i verbër 50-vjeçar, të ushtrojë dhunë ndaj një djaloshi të ri 23-vjeçar, pasi një person me aftësi të kufizuara është një person që njeri, i cili ka dëmtime afatgjata fizike, psikologjike, intelektuale dhe shqisore që në bashkëveprim me pengesat e tjera e bëjnë të pamundur përfshirjen dhe integrimin e tyre në shoqëri. Pra nga ky përkufizim si mund të ndodhë që një i verbër, që nuk ka mundësi të shoqërohet dhe të ecë vetëm të ushtrojë dhunë”, u shpreh kryetari i shoqatës së të verbërve.

Ndërsa theksoi pamundësinë e ushtrimit të dhunës nga viktima i verbër, Hysa foli edhe mbi problematikat për komunitetin e të verbërve dhe aq më tepër të atyre që duan të nisin studimet në fillim të këtij viti të ri shkollor.

Për Hysën, problematikat e komunitetit që ai përfaqëson janë të pafundme por qasja e tyre drejt arsimimit ka boshllëqe të cilat janë krijuar nga mungesa e vëmendjes së duhur të institucioneve.

 “Problematikat e komunitetit të të verbërve janë shumë komplekse. E vërteta është që prej 2013-2014 ka një lloj ngadalësimi në mënyrën se si dhe sa duhen mbështetur personat e verbër. Dikur ne kemi pasur një vendim me MAS ku ishin të përcaktuara kuotat e të verbërve të cilët duhet të arsimoheshin, në këtë kohë ne nuk e kemi këtë sepse i është deleguar kompetencat vetë universiteteve dhe kjo ka sjellë rënien e numri të të verbërve të cilët duan të frekuentojnë shkollat e larta. Në këtë pikë ne shpresojmë që ky vendim të rikthehet sepse arsimimi i shërben të verbërve jo vetëm në integrimin e tyre por edhe në përfshirjen e tyre në tregun e punës”, u shpreh Hysa.

M.T/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 08/09/2023 00:44

    100 % dakord me ju zoteri.Ne nje koment qe kam bere me perpara per kete rast,shpreha dyshimin se djali genjente dhe se tritolin e ka fshehur ne sobe si vendi i fundit qe mund te dyshohet,apo te kontrollohet per tritol dhe i ndjeri babai i tij i verber pa e ditur c'kishte fshehur i biri ka ndezur soben dhe ndodhi ajo qe ndodhi.Nuk duhet harruar qe ju gjet dhe arsenal te birit ne shtepi.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Tiranë/ Organizonin baste dhe lojëra fati, vihen në pranga 6 persona

Tiranë/ Organizonin baste dhe lojëra fati, vihen në pranga 6 persona

24 Nëntor, 09:55