POP 5

Lajmet më të lexuara të 5 minutave të fundit

Kronikë

Vrasja në Mallakastër, prindërit e njërit prej tre autorëve: Djalin silleni t'i fusim plumbin kokës dhe ta djegim me benzinë (VIDEO)

Prindërit e Ervis Zotajt, që është njëri nga tre autorët e vrasjes pak ditë më parë i bën thirrje qeverisë që djalin t'ia sjellin në fshat dhe do ta vrasë me dorën e tij.

MALLAKASTER- Prindërit e Ervis Zotajt, që është njëri nga tre autorët e vrasjes së Drita Saliajt në fshatin Gjerbës më 5 janar 2020 kërkojnë që i biri i tyre të pushkatohet për atë që ka bërë. I ati tha se nuk do të marrë avokat për mbrojtjen e djalit. Ai i kërkoi shtetit që djalin t'ia sjellë në fshat dhe do ta vrasë vetë me dorën e tij.

"Kur erdhi policia ishim në gjumë, ne nuk dinim asgjë. Djali kishte vajtur te shtëpia e kushëririt që jeton në Greqi. E morën në gjumë dhe e arrestuan. Djalin e mbështes me plumb në kokë, nuk zë as avokat asgjë, dua të pushkatohet në Gjersë të Mallakastrës. E kemi rritur me lakra si në kohën e Hoxhës dhe të ma bëjë djali këtë nuk e dua. I lutem qeverisë të ma sjellë atje djalin, ta vras me dorën time. Unë kam 4 çuna 3 vajza, tani kam 6, e bëj hasha, të vijë këtu ta vras me dyfek, ta bëj hasha.

Ai më ka borxh kokën, unë do të iki dhe do i them kam ardhur për të më vrarë, më vra mua dhe mbyllet kjo punë. Unë vete vetë atje të më pushkatojë. I lutem qeverisë, të shkoj atje, ti them më vra mua tani. Djali nuk e tregoi ngjarjen, se po ta dija e kisha hequr qafe vetë. Nuk tregoi se cfarë bëri. Nuk dinim gjë, jemi hallexhinj. E dua djalin të vijë atje ta vras me dorën time, ta hedh atje në rezervuar" tha Syrja Zotaj, i ati i Ervisit.

Ndërsa nëna e djalit, Violeta Zotaj tregoi se e njihte Drita Saliajn. Ajo tregon edhe ndryshimin e sjelljes së të birit në ditët e fundit, pasi kishte ndodhur ngjarja. "Çuni nuk ka pasur rrugë të keq, për 5 ditë më shkalloi fare. Në varrim nuk ishim, nuk na pranoi. Nuk e di cfarë e lidh djalin me atë Luisin. Djali ishte i pa dalë, çoban, me bagëti. Djali ishte si i tërbuar. Dua dënimin më të rëndë, ta lyeni me benzinë dhe ta digjni. Drita ishte shumë e mirë, e njoh. Nuk e dua djalin nëse ka bërë atë veprim më. Ta pushkatojnë".

Edhe daja i djalit, Ladimir Seitaj kërkoi ndëshkimin maksimal për nipin e tij. "Ai të marrë ndëshkimin e merituar. Na ka ulur ne, mua si dajo dhe fisin" tha ai. Tre të rinjtë që torturuan dhe mbytën në rezervuar 51-vjeçaren janë arrestuar. Njëri nga autorët e vrasjes është nipi i burrit të viktimës. Gruaja jetonte e vetme pasi burri me djemtë punonin në Greqi. “Shqiptarja.com” zbuloi dosjen mbi të gjithë dinamikën e këtij krimi të shëmtuar. Gjithçka është treguar nga goja e protagonistit të këtij krimi (lexo ketu).

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Julian: 10/01/2020 23:58

    Dikush me poshte ka shkruar “ prinderit duhet ta edukonin, pike!” Cfare faji me ka prindi mua nese une neser vras dike dhe e hedh kufomen ne lume? Me vjen keq per prinderit qe perballen me te tilla ngjarje ne jete, e sidomos per ata prinder qe me sakrifica i rrisin dhe mundohen ti ushqejne femijes rrugen e drejte! Nuk e meritojne nje dhimbje dhe nje percmim te tille ndaj gjakut te vete!

    Përgjigju
  • Edi: 10/01/2020 14:49

    O zot sa gjynah keto prinder te shkret ! Ca te ben femija i poshter

    Përgjigju
    • LIFE: 10/01/2020 19:06

      PRINDERIT DUHET TA EDUKONIN PIK

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Çna tregoi Altin Dumani?

Ergys Mërtiri: Çna tregoi Altin Dumani?

24 Nëntor, 08:47 nga Ergys Mërtiri