Vrasja për hakmarrje në Rrëshen, 59-vjeçari u ekzekutua në të njëjtën ditë kur bëri atentat ndaj fisit Reçi një vit më parë  

Martin Bardhi (Marku) u ekzekutua ditën e sotme në Rrëshen të Lezhës në lokalin e tij, ndërsa tre të afërm të tij mbetën të plagosur. Vrasja e tij dyshohet se është kryer për motive hakmarrjeje, pasi 59-vjeçari kishte pak muaj që kishte dalë nga paraburgimi, pasi kishte kryer atentat ndaj Saimir Reçit, i cili ishte nipi i Kastriot Reçit, të ekzekutuar në 2020. Vrasja ndaj Martin Bardhit u organizua në të njëjtën ditë kur vetë 59-vjeçari bëri atentat ndaj fisit Reçi një vit më parë.

Në 26 mars të 2023 ishte qëlluar ndaj makinës së blinduar të Reçit, ky i fundit humbi kontrollin e makinës dhe u përplas me një bordurë, por nuk u plagos. Policia arrestoi Martin Bardhin ndërsa shpalli në kërkim djalin e tij, Enrik Bardhi. Për këtë ngjarje gjykata kishte caktuar masën e sigurisë 'detyrim paraqitje' me kërkesë të prokurorisë pasi nuk kishte akuzën e tentativës së vrasjes por se kishte përkrahur autorin, djalin e tij. Para përplasjes me armë, dy të rinjtë janë përplasur fizikisht me njëri-tjetrin për parakalimin me makine në rrugën kryesore të qytetit. Nga të shtënat nuk pati persona të lënduar. 

Lajmi kryesor:

Vrasje për hakmarrje në Rrëshen, ekzekutohet 59 vjeçari që kishte dalë nga burgu! Në mars u arrestua për atentat ndaj nipit të Kastriot Reçit! Tre plagosen

SI.E./Shqiptarja.com

TAG:
• Lezhe
• Martin Bardhi
• rreshen
• vritet martin bardhi
• saimir reci
• kastriot reci