POP 5

Lajmet më të lexuara të 5 minutave të fundit

Kronikë

Vrasjet në familje, në 2 muaj shënohen 5 viktima (VIDEO)

Dy muajt e parë të 2020-ës do të shënonin 4 vrasje në familje, me 5 viktima. Thuajse motivet janë të njëjta, xhelozi dhe konflikte në familje. Vrasjet në familje janë një nga fenomenet që po prekin jo pak shoqërinë shqiptare. Vitin e shkuar në të gjithë vendin u shënuar 14 krime në familje.

Vetëm në dy muajt e parë të 2020-ës në vendin tonë do të shënoheshin 4 krime në familje. Vrasja e parë do të ishte ajo e ndodhur më 9 Janar në Paskuqan, ku 34-vjeçari Erdet Çapoku masakroi me thikë, levë dhe shkop druri kunatën e tij Enkeleda Çapokun. 39-vjeçarja u vra në banesën e saj të marrë me qira, së bashku me të bijën 17 vjeçe dhe të ëmën, ndërsa bashkëshorti i saj Eltoni, vëllai i autorit ndodhet në burg i dënuar me 10 vite për drogë. Autori, i cili punonte si faturino u arrestua nga policia në zonën e Laprakës, vetëm pak orë pasi kishte kryer krimin. Në gjykatë ai pretendoi se konfliktin me kunatën e kishte pasur pasi kjo e fundit nuk e dëgjonte.

Ndërsa më 2 Shkurt një tjetër vrasje në familje do të trondiste Durrësin. Lulëzim Cuku qëlluar 3 herë me thikë gruan e tij Masnjolën 33 vjeçe, duke e lënë të vdekur në vend. Krimi makabër ndodhi në fshatin Xhafzotaj, në banesën e tyre e në sy të 3 fëmijëve të mitur. Pas ngjarjes, Cuku u largua në drejtim të Dibrës, por 12 orë pas vrasjes u vetëdorëzua në polici.

Jo pak tragjike do të ishin edhe dy ngjarjet e ndodhura në dy ditët e fundit, të dyja krime në familje. Fatmir Kolecaj vret në Rrëshen ish bashkëshorten Esmeralda Filopatin dhe vëllain e saj, Vledisonin. E ndërsa në Durrës, Hajdie Tosuni vritet nga i shoqi, Ruzhdi Tosuni.

Pavarësisht shtrirjes gjeografike, nga Veriu në Jug, duket se motivi është i njëjtë, xhelozi dhe konflikte në familje. Vetëm vitin e kaluar, nga 57 vrasje të ndodhura gjithsej, 14 prej tyre ishin në familje.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21