POP 5

Lajmet më të lexuara të 5 minutave të fundit

Kronikë

Pogradec/ Vrau fqinjin pas konfliktit për pronën, vihet në pranga autori! Fshihej në pyll dhe kthehej herë pas here në shtëpi

Vrau me thikë bashkëfshatarin e tij, Safet Hyskollarin, në fshatin Gështenjas të Pogradecit, arrestohet autori Fatmir Manellari gati dy muaj pas ngjarjes. Autori është vënë në pranga mëngjesin e sotëm në Pogradec.

Fatmir Manellari, i shpallur në kërkim prej 2 muajsh është arrestuar në Pogradec. Ai akuzohet për vrasjen me thikë të bashkëfshatarit të tij, Safet Hyskollari.

Sipas policisë, autori është kapur në shtëpi. Burime nga policia thonë se kishte informacione se autori shkonte në banesën e tij herë pas here dhe më pas fshihej në pyll. Nga ky informacion policia ka vëzhguar shtëpinë e autorit dhe më pas e ka arrestuar brënda banesës.

Shkak që më 7 shtator, Fatmir Manellari plagosi për vdekje 65 vjeçarin, u bë konflikti për shtrimin e tubacionit të ujit në një pronë ku pretendime kishin të dy palët.

Burime për gazetarin e Report Tv Armand Braho bëjnë me dije se autori kurohej nga depresioni, teksa për banorët dhe fqinjët njihej si njeri i cili shpesh herë kishte konflikte me të tjerët dhe familja e tij ishte tejet izoluar. Ndonëse aludohej se Manellari mund të kishte humbur jetën gjatë arratisë në pyllin e gështenjave, bashkëfshatarët e mohonin jashtë kamerave këtë fakt pasi ky pyll shkelej plotësisht nga banorët e zonës të cilët mblidhnin gështenjat në këtë periudhë.

Burime nga policia thonë se kishte informacione se autori shkonte në banesën e tij herë pas here dhe më pas fshihej në pyll. Nga ky informacion policia ka vëzhguar shtëpinë e autorit dhe më pas e ka arrestuar brenda banesës.

Kohëve të fundit vihej re dhe një shkëputje e bashkëshortes dhe djalit të autorit nga pjesa tjetër e fshatit, pas kryerjes së krimit nga kryefamiljari. Kërkimet e policisë ishin shpërndarë në disa zona të qytetit të Pogradecit, përfshirë dhe zonën e Mokrës, ku autori kishte të afërm të tij.  

Viktima pak muaj kishte që ishte rikthyer nga SHBA në Shqipëri, teksa nga të banorët ai njihej si një person i qetë dhe shumë i shoqërueshëm. Konflikti i fundit me Fatmir Manellarin, i mori jetën 65 vjeçarit në pragun e shtëpisë të tij.

1667027619_FatmirManellari.jpg

Viktima Safet Hyskollari dhe autori Fatmir Manellari

Rendit zhvillimet sipas orarit:
Ora 11:05
U kap nga policia sapo hyri në shtëpi, i biri i autorit: Kishim humbur kontaktet, u gëzuam kur e pamë në banesë! Donte të dorëzohej

I biri i autorit që u arrestua për vrasjen e bashkëfshatarit në Pogradec, Ronaldo Manellari foli në një lidhje telefonike për Report Tv duke thënë se babai donte të dorëzohej, por sapo hyri në banesë, policia e arrestoi.

“Babai erdhi dje në shtëpi rreth orën 18:10. Ne u gëzuam që ishte gjallë kur erdhi, se prej datës 7 Shtator kishim humbur plotësisht kontaktet. Pasi erdhi në banesë dhe ai ishte bindur që të dorrëzohej në Polici, por në atë moment policia hyri brënda dhe kryevi arrestimin”, tha Manellari.

/G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58