POP 5

Lajmet më të lexuara të 5 minutave të fundit

Kronikë

Vrau kunatën me sëpatë në Elbasan, lihet në burg 58-vjeçari

58-vjeçari Tefik Tashi, i cili vrau pak ditë më parë motrën e gruas me sëpatë në fshatin Kusarth, Alma Qevanin, është lënë në burg nga gjykatat e Elbasanit

ELBASAN- Më kokën ulur dhe i heshtur ka qëndruar para trupës gjykuese Tefik Tashi, 58-vjeçari i cili masakroi me sëpatë në mes të rrugës në fshatin Kusarth të Elbasanit, kunatën e tij Alma Qevanin. Gjykata e Elbasanit caktoi masën ‘arrest me burg’ për 58-vjeçarin, i cili pas krimit makabër tha se e vrau kunatën (motrën e gruas) sepse ajo e ofendonte vazhdimisht.

Para grupit hetimor ai deklaroi se e vrau kunatën e tij Alma Qevanin, 44-vjeçe, sepse nuk e lejonte bashkëshorten e autorit (motra Almës) që të shkonte në shtëpinë e tij. Kjo dyshohet se ka qenë nisja e konfliktit që përfundoi në tragjedi me vrasjen në mënyrë makabre të 44-vjeçares.

Krimi i rëndë ndodhi mesditën e djeshme (17 maj), ku Tefik Tashi vrau me sëpatë Alma Qevanin, në sy të bashkëshortes, motrën e kësaj të fundit. Policia tha se fillimisht ka pasur një debat mes autorit të ngjarjes dhe kunatës së tij, motrës së gruas, që më pas degradoi deri në vrasje. 58-vjeçari ka qenë në gjendje të dehur në momentin e krimit ndërsa pas arrestimit u tha hetuesve se Alma e kishte sharë dhe kjo ishte arsyeja që e kishte nxehur dhe e kishte goditur.

Gruaja fillimisht u dërgua në spital, por nuk mundi t’u mbijetojë plagëve të rënda. Etleva Qevani, gruaja e autorit tregon se sherri nisi pasi Alma nuk i kishte hapur telefonin Tefikut. Të dy motrat nuk kanë pasur kontakte të shumta me banorët e zonës aty, pasi fqinjët treguan se nuk dilnin shpesh dhe nuk kishin komunikim të vazhdueshëm. Etleva ishte martuar me Tefikun prej dy vitesh.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu