Vrau me 2 plumba në kokë të dashurën/ Nën masa të rrepta sigurie shqiptari mbërrin para gjykatës greke: E vrava pasi pashë një mesazh

Vrau me 2 plumba në kokë të dashurën/ Nën masa të rrepta sigurie shqiptari mbërrin para gjykatës greke: E vrava pasi pashë një mesazh

Autori Qamil Taja dhe viktima Kristjana Brakaj

GREQI- Ditën e sotme, nën masa të rrepta sigurie, 25-vjeçari është paraqitur para gjykatës greke, i cili nuk pranoi t’i përgjigjej pyetjes së gazetarëve për motivin e krimit makabër.

Sipas informacioneve, 25-vjeçari pretendon se shkaku i sherrit fatal që përfundoi në vrasje ka qenë një mesazh që i kishte ardhur 19-vjeçares, e cila e kishte hapur atë dhe për shkak të xhelozisë ai e kishte vrarë.

Sipas raportimeve të autoriteteve greke ende nuk dihet se ku e gjeti armën e krimit 25-vjeçari dhe ku shkoi pas vrasjes.

Autoritetet përkatëse po shqyrtojnë me kujdes të gjitha provat që kanë mbledhur në lidhje me vrasjen mizore të 19-vjeçares teksa prokuroria ka ende pikëpyetje në lidhje me ngjarjen.

Ngjarja e rëndë ka ndodhur mëngjesin e djeshëm në Greqi, ku xhelozia e ‘sëmurë’ dhe kokaina bënë që banakieri shqiptar Qamil Taja, 25 vjeç, të qëllonte me dy plumba në kokë partneren e tij shqiptare 19-vjeçare, Kristjana Brakaj.

Rendit zhvillimet sipas orarit:
Ora 12:55
Vrau me 2 plumba në kokë të dashurën, Avokati i autorit: Është penduar dhe i shkatërruar

1670154659_lkjhsadiud.PNG

Autori i vrasjes së 19-vjeçares, Qamil Taja, 25 vjeç, ka mbërritur në Gjykatën e Pireut pas orës 10:30 të mëngjesit nën masa të rrepta sigurie, i cili ka qëndruar në zyrën e hetimit për më shumë se 2 orë.

Prokurori e ka akuzuar për vrasje me dashje në gjendje të qetë shpirtërore, ndërsa avokati i 25 vjeçarit në deklarimet e tij ka theksuar se autori është i penduar dhe i dërrmuar nga ngjarja tragjike.

Avokati i autorit, Christos Divanidis, tha se autori ka shprehur pendesën e tij dhe se është i shkatërruar.

“Ai kërkoi dhe iu dha një afat për të kërkuar falje. Është e dhënë që më ka shprehur pendimin. Ai është i shkatërruar. Nuk do të doja të bëja një deklaratë të parakohshme nëse ai kishte përdorur drogë”, tha avokati i autorit, Christos Divanidis. 

Sipas informacioneve, pas vrasjes 25-vjeçari është vetëdorëzuar në polici, duke pohuar para efektivëve se ishte xheloz për 19-vjeçaren dhe se kishte përdorur kokainë, para se të merrte armën dhe ta qëllonte dy herë në kokë.

“Kam ardhur të dorëzohem. Unë vrava partneren time. Ajo ka vdekur në shtëpi”, mësohet të ketë autori në polici, sipas informacioneve të Mega.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Aksident në rrugën Lezhë-Shkodër, ‘Audi’ përplaset me kamionçinën! Dy persona të plagosur transportohen në spital

Aksident në rrugën Lezhë-Shkodër, ‘Audi’ përplaset me kamionçinën! Dy persona të plagosur transportohen në spital