“Kërkoj falje, nuk kisha asnjë qëllim të shkaktoja aksidentin por isha nën efektin e alkoolit me shpejtësi dhe frenat i kam shtypur në momentin e fundit”.
 
Me këto fjalë u drejtua gjykatës i riu Kola ndaj të cilit rëndon akuza e aksidentin me pasojë vdekjen dhe plagosjen e më shumë se dy personave.
 
Për mediat avokati i Kolës, Marash Ibraj u shpreh se në një fazë tjetër të hetimit ata do të shprehen për ekspertizën e aksidentit dhe pretendimet se i riu nuk ka pasur qëllim të kryejë krimin.
 
"Në përgjithësi aksidentet rrugore shkaktohen nga pakujdesia, gjithsesi kjo nuk na çliron nga përgjegjësia.
 
Arnold Kola nuk paraqiti kërkesë për zbutjen e masës, përkundrazi shfaqi pengesë para gjykatës" deklaroi avokati Marash Ibraj.
 
Arnold Kola u arrestua pak minuta pas aksidentit të ndodhur në aksin Tiranë-Kamëz teksa nën drejtimin e makinës dhe me shpejtësi tej normave të lejuara, 140 km/ orë u përplas me furgonin e patrullës së komisariatit numër 5.
 
Kola rezulton i proceduar penalisht dhe më parë për shkeljen e rregullave të qarkullimit rrugorë por duket se kjo s'ka vlejtur që ai të respektoj rregullat për të mos shkaktuar aksidentin me pasoja fatale për efektivin Haxhia.