Vrau të birin, gjykata e Prishtinës merr vendimin për babanë e Albert Krasniqit: Dënohet me 3 vite dhe 5 muaj burgim për 'vrasje nga pakujdesia'

Skënder Krasniqi dhe djali i tij Albert Krasniqi

Skender Krasniqi është shpallur fajtor dhe është dënuar me burgim nga Gjykata Themelore në Prishtinë për vrasjen e djalit të tij, Albert Krasniqi. Gjykata shpalli fajtor Krasniqin për veprën penale “Vrasje nga pakujdesia”, dhe ai dënua me 3 vite e 5 muaj burg.

“I akuzuari S.K është shpallur fajtor dhe është dënuar me burgim në kohëzgjatje prej tre vite e pesë muaj, i cili dënim do të ekzekutohet në afat prej 15 ditësh nga plotfuqishmëria e këtij aktgjykimi. Koha e kaluar nën masën e paraburgimit për të pandehurin do të llogaritet në dënimin e shqiptuar me burgim prej datës 27.01.2021”, thuhet në njoftim.

Vrasja e rëndë ndodhi në Prishtinë më datë 27 janar 2021, në parkingun e ndërtesës në të cilën banonte Skënder Krasniqi. Menjëherë pasi ka kryer krimin, ai ka lajmëruar policinë “ejani se e vrava djalin”,dhe më pas ka fikur telefonin. Në vendngjarje ka mbërritur fill pas telefonatës policia, e cila ka arrestuar Skënder Krasniqin dhe ka sekuestruar armën e zjarrit me të cilën ishte kryer krimi.

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

Modric dhe Benzema i japin Realit trofenë e parë sezonal