POP 5

Lajmet më të lexuara të 5 minutave të fundit

Kronikë

Vritet 68-vjeçari në Mirditë, qëllohet me breshëri plumbash nga dritarja e dhomës ku flinte! E bija e gjen të vdekur pas 2 ditësh (FOTO)

Një 68-vjeçar është vrarë me armë zjarri në banesë në fshatin Lajthizë në Mirditë. Frederik Radi, sipas policisë, është qëlluar me armë nga dritarja e dhomës ku flinte. Shoqërohen disa banorë të zonës. E bija lajmëroi sot policinë se ka gjetur të atin të vdekur, prej 2 ditësh kishte humbur kontaktet me të.

Vritet 68-vjeçari në Mirditë, qëllohet me breshëri plumbash nga dritarja e dhomës ku flinte! E bija e gjen të vdekur pas 2 ditësh (FOTO)

Frederik Radi, u gjet i vrarë në banesë në Lajthizë të Mirditës, 20 gusht 2024

MIRDITË- Një 68-vjeçar është gjetur i vrarë me armë zjarri në banesën e tij në fshatin Lajthizë në Mirditë. 68-vjeçari, Frederik Radi, kalonte muajt e verës në këtë banesë, por ka gjetur vdekjen në rrethana ende të paqarta. Sipas policisë, ai është qëlluar me armë zjarri nga dritarja e dhomës ku flinte.

68-vjeçari është gjetur dy ditë pas vrasjes nga e bija Leonora Radi. Pasi ka humbur kontaktet me babanë, e bija ka shkuar në banesë, por të atin e ka gjetur të shtrirë në banesë pa shenja jeta. Më datë 20 gusht ajo ka bërë denoncimin në polici se ka gjetur babanë të pajetë, ndërsa kontaktet me të i kishte humbur prej datës 18 gusht, ditë kur dyshohet se ka ndodhur edhe vrasja.

Burime bëjnë me dije se 68-vjeçari është qëlluar me breshëri plumbash brenda banesës se tij. Ende nuk ka një piste konkrete hetimi, pasi Radi nuk njihej si person problematik dhe me precedent penal.

“Më datë 20.08.2024, shtetasja Leonora Radi ka njoftuar Policinë se ka gjetur të pajetë babanë e saj, shtetasin Frederik Radi, 68 vjeç, në banesën e familjes në fshatin Lajthizë, njësia administrative Orosh, ku 68-vjeçari kalonte muajt e verës. Prej 2 ditësh ai kishte humbur kontaktet me familjarët.

Menjëherë drejt vendit të ngjarjes janë nisur shërbimet e Policisë vendore dhe grupi i posaçëm hetimor. Nga këqyrja paraprake e vendit të ngjarjes dyshohet se 68-vjeçari është qëlluar me armë zjarri, nga dritarja e dhomës ku flinte, dhe si pasojë ka humbur jetën", njofton policia. 

Për zbardhjen e ngjarjes, policia ka shoqëruar disa banorë të zonës të cilët janë marrë në pyetje. Motivi i vrasjes dhe rrethanat janë ende të paqarta, ndërsa Prokuroria po kryhen hetime intensive për të identifikuar dhe kapur autorin/ët.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kredimarrësit e këqinj s'do marrin më kredi, si e vlerësoni rregulloren e BSH?

Lajme të tjera



×

Lajmi i fundit

Durrës, u kapën në port duke futur bizhuteri floriri dhe argjendi, nën hetim 2 shoferët e autobusit! Shpallet në kërkim pritësi i këtyre sendeve

Durrës, u kapën në port duke futur bizhuteri floriri dhe argjendi, nën hetim 2 shoferët e autobusit! Shpallet në kërkim pritësi i këtyre sendeve

20 Gusht, 12:14