Një vrasje me thikë është regjistruar mesditën e kësaj të shtune në Kavajë. Ngjarja e rëndë ndodhi në lagjen nr.3 të qytetit, ku viktimë mbeti 48-vjeçari Skerdilajd Isufi.

Autori 48-vjeçar Land (Puja) Drejai është në arrati dhe policia po punon për kapjen e tij. Dyshohet se konflikti ndodhi për një vend parkimi.

Autori ka dalë nga shtëpia e tij dhe i ka kërkuar 48-vjeçarit Isufi që të largonte makinën.

Ky i fundit ka refuzuar dhe ka nisur debati. Drejai ka nxjerrë thikën dhe e ka qëlluar në zemër.

Njoftimi i policisë 

Në lidhje me informacionin e dhënë për ngjarjen e ndodhur në lagjen nr. 3, Kavajë, ku dyshohet se për motive të dobëta një shtetas goditi me mjet prerës (thikë) një shtetas tjetër, i cili për pasojë ndërroi jetë në spital, sqarojmë se:

Pas verifikimeve të kryera rezultoi se autori i dyshuar është shtetasi L. D., alias L. P., 48 vjeç, banues në Kavajë.

Ndërsa shtetasi që ka humbur jetën si pasojë e goditjes me thikë ka gjeneralitetet S. V., alias S. I., 48 vjeç.

Shërbimet e Policisë po vijojnë ndjekjen për kapjen e autorit.

Ndërkohë, grupi hetimor, nën drejtimin e Prokurorisë, po punon për sqarimin e rrethanave dhe dokumentimin ligjor të rastit.

Rendit zhvillimet sipas orarit:
Ora 16:29
Del foto, ky është 48-vjeçari që u vra me thikë në Kavajë! Konflikti ndodhi për një vend parkimi

1771687562_ngjarjakavaje.jpg

48-vjeçari që u vra me thikë, Skerdilajd Isufi

Report Tv ka siguruar foton e 48-vjeçarit Skerdilajd Isufi i cili u vra me thikë pasditen e sotme në Kavajë.

Shkak për konfliktin mësohet të jetë bërë një vend parkimi. Autori Land (Puja) Drejai ka dalë nga shtëpia e tij dhe i ka kërkuar 48-vjeçarit që të largonte makinën.

Ky i fundit ka refuzuar dhe ka nisur debati, fillimisht me fyerje të ndërsjellta dhe më pas deri në përdorimin e armëve të ftohta. Autori ka nxjerrë thikën dhe e ka qëlluar Isufin në zemër.

R.C/Shqiptarja.com