POP 5

Lajmet më të lexuara të 5 minutave të fundit

Ekonomi

Vrojtim i BSH/ Shtrëngohen kushtet e dhënies së kredisë për qytetarët! Bankat të ‘rrepta’ në kushtet e huasë për blerje banese

Qytetarët e patën më të vështirë të merrnin një kredi gjatë periudhës Korrik-Shtator, pasi bankat i rritën kërkesat e tyre nga frika e aftësisë paguese. Sipas Bankës së Shqipërisë më shumë u shtrënguan kushtet e kredisë për blerje banese.

Për të aprovuar një kredi përgjatë verës, bankat u treguan më të kujdesshme me qytetarët, duke shtrënguar kushtet e kredidhënies. Kushte më të ‘rrepta’ për dhënien e huasë së kërkuar u aplikuan si për kreditë konsumatore ashtu edhe për ato për blerje banese.

Në vrojtimin e Bankës së Shqipërisë për aktivitetin kreditues, thuhet se bankat kanë shtuar kërkesën për kolateral për qytetarët që kanë aplikuar për kredi për blerje banese. 

“Si faktor i vetëm që ndikoi në shtrëngimin e standardeve të kreditimit për individët u raportua perceptimi i rrezikut mbi aftësinë paguese të kredimarrësit. Marzhet më të larta mbi kreditë me rrezik dhe kërkesat më të larta për kolateral (në kreditë për blerjen e banesave) patën ndikim shtrëngues në kushtet e termat e kreditimit për individët”, thuhet në vrojtimin e Bankës së Shqipërisë.

Kushtet e shtrënguara do të vijojnë edhe në tremujorin e fundit të vitit për të gjitha llojet e kredive, perceptim ky i dhënë vetëm nga një bankë tregtare thuhet në vrojtim.

Pavarësisht kërkesave të rritura, bankat presin që edhe në periudhën e fundit të vitit kërkesa për kredi të jetë e lartë, si për financimin e konsumit, ashtu edhe për blerjen e banesave.

Ndryshe nga 6-mujori i parë i vitit, gjatë verës edhe pse me kushte të larta bankat kanë miratuar më shumë kërkesa për kredi, bazuar kryesisht në historikun e kredimarrësve, dhe në stabilitetin e tyre në punë.

R.D/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shtypja: 22/10/2024 19:51

    Populli shqiptar tani ka nis te shtypet edhe ne shtepine e vet’ mungesa e likuiditetit per kredi ne banke ku bankat dalin superfitime tregon qe ai popull “ilir” e ka kemben ne fyt! Ama po u fry shume tollumbacjaa e shtypjes do plase sistemi dhe do dale ajri i ndenjur! Shqiptaret i Kane shitur thjesht qeshtje kohe kur te kerkojne perseri pavarsi edhe pse e Kane marr nje here 1913 ! Kohe te veshtira per popullin budalla

    Përgjigju
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03