POP 5

Lajmet më të lexuara të 5 minutave të fundit

Ekonomi

Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’

24% e familjeve në vend kanë një borxh për të paguar, që kryesisht e kanë marrë tek të afërmit e tyre. Sipas Bankës së Shqipërisë pjesa më e madhe e borxhit që kanë shqiptarët është për konsum, për shtëpi dhe për arsye shëndetësore. Ndërkohë rezulton se 20% e familjeve sipas vrojtimit blejnë ushqime me listë në dyqane.

Koha e listave në dyqane, duket se do jetojnë gjatë në ekonominë shqiptare. 1 në 5 familje në vend që ka borxh për të shlyer e ka atë në formën e mallit të papaguar, pra ka blerë produktin por nuk ka paguar faturën.

Vrojtimi i fundit i Bankës së Shqipërisë mbi gjendjen financiare të familjeve tregon se 24% e familjeve të intervistuara kanë pohuar se kanë një borxh për të paguar, ku 41% e tyre thonë se e kanë në formën e kredisë, overdraft ose karta krediti, 38% e kanë marrë borxhin cash tek të afërmit e tyre dhe 20% kanë mallra të papaguara. Në vrojtim thuhet se pesha e familjeve që kanë borxhe nëpër dyqane është rritur me 2% krahasuar me fundin e vitit 2023.

“Qëllimi kryesor i huamarrjes mbetet: ‘për konsum’ në 35% të rasteve të huamarrjes, ‘për blerjen/riparimin e një prone’ në 19% të rasteve dhe për ‘zhvillim biznesi’ në 18% të rasteve”, thuhet në vrojtimin e Bankës së Shqipërisë për gjashtëmujorin e parë të vitit.

Gjatë kësaj periudhe thotë banka është rritur pesha e huamarrjes për blerje prone dhe për zhvillim biznesi. Ndërkohë nga ana tjetër 23% e borxhit merret nga familjet shqiptare kryesisht për procedura mjekësore, duke u rritur ndjeshëm krahasuar me vjet kur kjo shifër ishte 7%.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrant: 15/11/2024 08:57

    Ne vendet e BE ka vetem lajme per ekonomi, dhe jo si ketu qe na lodhet me kronika vrasjesh e veting. Diesel ne AL 1.8 euro/l, ne Evrope; 1.5 euro/l, cmimet ne supermarket ne AL me te shtrenjta se ne BE. te ardhurat ne AL me te ulta se ne BE. Ku eshte ai prosperiteti dhe yhvillimi i madhe qe propagandohet, se AL vendi me i zhvilluar dhe qendra qe zgjidh hallet e gjthe globit?!

    Përgjigju
  • Artani: 15/11/2024 07:59

    Po sikur ishte rritur konsumi dhe mireqenia ne shqiperi ???????? 24 % jane me borxhe dhe po te fusesh ata qe jetojne me leket qe ju sjellin nga emigrimi shkon me shume se 50%

    Përgjigju
  • Arta: 15/11/2024 04:55

    Besoj se pa dergesat e emigranteve, kjo shifer shkon ne 50%.

    Përgjigju
  • Gjergj: 14/11/2024 19:50

    24% e familjeve, sipas shifrave tè bankès. Kèto, janè ata debitorè tè bankès qè i kanè pèrmbushur kushtet pèr dhènie kredie. Po ti shtosh edhe atè pjesèn tjetèr qè nuk pèrmbush asnjè kusht pèr dhènie kredie sepse nuk japin dot asnjè garanci pèr kthimin e huasè, bashkè me shtresèn e pensionistève qè janè sa ska ku i kap as qeni, atèherè jemi tek realiteti i varfèrisè nè vènd qè duhet tè alarmonte çdo politikan tè pèrgjegjshèm. Meqè ne shqiptarèt nuk kemi tè tillè, tè na rrojè shtegtimi i personelit familjar nèpèr botè dhe dèrgesat e tyre me tè cilat mbijetojmè.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51