Tirane- Më shumë se 37% e bizneseve në vend kanë një borxh për të shlyer. Në vrojtimin e fundit të Bankës së Shqipërisë mbi huamarrjen e ndërmarrjeve në gjashtëmujorin e parë të vitit tregon se pesha e ndërmarrjeve që kanë një borxh për të shlyer është rritur me 1% krahasuar me vjet.
Nga vrojtimi vihet re se gjatë kësaj periudhe kanë marrë më shumë borxhe bizneset e vogla dhe ato të mëdha. 28% e ndërmarrjeve të vogla kanë një borxh për të shlyer, ndërkohë që në fund të vitit 2023, ishin vetëm 24% me borxhe. Tek ndërmarrjet e mëdha janë 42% e tyre që kanë borxhe për të shlyer.
“Pesha e ndërmarrjeve huamarrëse vijon të jetë më e lartë në sektorin e ndërtimit (46% e totalit të sektorit), ndjekur nga sektori i tregtisë (43% e totalit të sektorit), dhe më e ulët në sektorin e shërbimeve (27%). Me përjashtim të sektorit të tregtisë, të tre sektorët e tjerë rezultojnë të kenë rritje të peshës së ndërmarrjeve huamarrëse krahasuar me periudhën e kaluar”, thuhet në vrojtimin e Bankës së Shqipërisë.
92% e borxheve të marra kanë qenë përmes kredive në banka ose në institucione jo-banka.
“Huamarrja e ndërmarrjeve është realizuar kryesisht për përballimin e shpenzimeve afatshkurtra dhe për kryerjen e një investimi afatgjatë”, vijon më tej vrojtimi.
Nga vrojtimi rezulton se bizneset e vogla marrin borxhe kryesisht për shpenzimet të papritura dhe nuk kanë likuiditet të mjaftueshëm për ti përballuar. Kurse bizneset e mëdha kanë marrë më shumë borxhe për investime.
Sa i takon peshës së huasë në raport me kapitalin e vetë kompanisë, 81% e ndërmarrjeve thotë se borxhi arrin sa gjysma e vlerës së kapitalit. 12% e bizneseve thonë se borxhi është sa kapitali i kompanisë, dhe 7% thonë se vlera e borxhit e tejkalon vlerën e kapitalit.
Lajme të tjera
-
Transfertat në SEPA, data më e afërt për bankat shqiptare është 5 tetori 2025
20 Dhjetor, 10:58 -
BSH mbyll 2024 me normën bazë interesi 2.75%! Sejko: Kemi blerë euro për të stabilizuar kursin e këmbimit! Ka rritje punësimi
18 Dhjetor, 16:42
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
-
Informaliteti, 7.4 mld lekë më shumë jashtë bankave më 2024! Qeveria plan për kufizimin e pagesave cash për qytetarët
1 Dhjetor, 16:45
-
Bizneset më shpesh në dyert e bankave, morën 564 mln euro kredi më shumë se vjet! 1/3 e huasë shkoi tek tregtia me shumicë e pakicë, bujqësia në vendnumëro
28 Nëntor, 16:56
