Vuçiç: Kur vjen Erdogan dhe Rama
në Kosovë, pse mos vij unë?!

PRISHTINË - Zv/kryeministri i parë i Qeverisë së Serbisë, Aleksandër Vuçiç si dhe ministri pa portofol përgjegjës për Kosovën, Aleksandër Vulin kanë vizituar sot Graçanicën, ku kanë mbajtur fjalime, nga iu kanë bërë thirrje serbëve, që të dalin në zgjedhje dhe të votojnë listën serbe, për ta kthyer Kosovën nën sovranitetin e plotës të Serbisë. Ndër të tjera ata kanë kujtuar edhe vizitën e kryeministrit të Shqipërisë, Edi Rama dhe atij turk, Erdogan në Kosovë.

“Nga bashkësia ndërkombëtare më thanë që të mos e them se për kë duhet të votoni. Mirëpo, e shihni ku jam, e shihni në cilin miting marr pjesë dhe kë përkrah. Kur munden Erdogan dhe Rama të vijnë, mundem edhe unë. Provoni të më arrestoni, ndoshta mundeni e ndoshta jo, por ne të vërtetën do ta themi”, ka deklaruar Vuçiç në fjalimin para rreth 600 serbëve, duke shtuar se "erdha këtu në mesin e serbëve, e pastaj do të vizitojë manastirin e Graçanicës, ndonëse Prishtina “më ka urdhëruar” skenarin e kundërt, meqë vizitën time e konsideron fetare", ka thënë Vuçiç, citon 'Koha Ditore".

Vuçiç i ka këshilluar serbët të jenë të “mençur”. “Të luftojmë s’mundemi, as duam, puna jonë është që në paqe të sigurojmë ardhmërinë për  fëmijët tanë”. Vulin ndërkaq nuk ka ardhur me “uniformë paramilitare”, raportojnë mediet serbe,

Në Graçanicë Vuçiç e Vulin me suitën kanë mbështetur Iniciativën Qytetare “Srpska”.  Medat e Beogradit raportojnë për prani të numrit të madh të Policisë së Kosovës, nga dy së paku në çdo 20 metra, por njoftohet edhe për prani të policisë së EULEX-it dhe pjesëtarë të KFOR-it.

Vuçiq, duke u bërë thirrje serbëve të dalin në zgjedhjet e tre nëntorit, ka thënë se  “tani po zgjedhim në mes të mundësive dhe të mbijetesës së popullit serb, nga njëra anë, dhe të të kaluarës dhe të të ardhmes shumë të pasigurt dhe të zhdukjes së popullit tonë, nga ana tjetër”.  Ministri Selakoviç citohet të ketë thënë se “kush nuk është për listen ‘Serbska”, s’është për Serbinë. 
 
Redaksia Online
(mag/shqiptarja.com)