Kryeministri i Serbisë Alekasandar Vuçiç i ka dënuar sulmet ndaj bizneseve të shqiptarëve në Serbi, por ka theksuar se ende nuk ka vendosur se a do ta lejoj Edi Ramën që të vijë për vizitë në Beograd.

Kryeministri shqiptar tashmë ka shfaqur gatishmërinë për të shkuar në Beograd më 22 tetor për të takuar zyrtarët e lartë serbë, por Vuçiç ka thënë se "do të vendosë në fundjavë nëse Rama do të jetë apo jo mysafiri i tij".

"Ne nuk kemi frikë nga bisedimet, por mua më duket se dikush nuk dëshiron të bisedojë, por dëshiron të kërcënojë Serbinë duke nxitur destabilizim rajonal" ka thënë ai.

"Unë mund ta shikoj atë (Ramën) dhe secilin në sy" ka thënë Vucic për Reuters.