POP 5

Lajmet më të lexuara të 5 minutave të fundit

Kosova & Rajoni

Vuçiç i kundërpërgjigjet Haradinajt: Beogradi nuk do ta njohë pavarësinë e Kosovës

Presidenti i Serbisë, Aleksandër Vuçiç ka reaguar ndaj deklaratës së fundit të bërë nga kryeministri i Kosovës Ramush Haradinaj, ku bëhet me dije se Kosova do të tërhiqet ndaj vendimit për taksat përkundrejt mallrave serbe vetëm në rast se Serbia do ta njohë si shtet të pavarur. 

Vuçiç i kundërpërgjigjet Haradinajt: Beogradi nuk do ta njohë pavarësinë e Kosovës

Presidenti i Serbisë, Aleksandër Vuçiç

Vendimi i Kosovës për të rritur taksat me 100% përkundrejt mallrave serbe ka shkaktuar reagime të forta në Serbi, të cilat po intensifikohen gjithnjë e më shumë. Kryeministri i Kosovës, Ramush Haradinaj deklaroi ditën e djeshme se Kosova do ta heqë taksën e mallrave serbe, vetëm nëqoftëse Serbia do ta njohë si shtet të pavarur. Kjo deklaratë e tij ka sjellë një tjetër reagim të presidentit Aleksandër Vuçiçit.

Pasi kërkoi në formë “lutjeje” që të hiqet tarifa e vënë, Vuçiç theksoi se Beogradi nuk do ta njohë pavarësinë e Kosovës. "Duhet të përgatitemi për luftë të gjatë e të vështirë sepse pavarësinë nuk do ta njohim”, ka thënë Vuçiç, transmetojnë mediat kosovare.

Vendimi i Kosovës më datë 21 nëntor, se taksa do të rritej nga 10 për qind në 100 për qind, u përkthye si një kundërgjigje e saj përkundrejt frenimit që i bëri Serbia anëtarësimit të saj në INTERPOL.

Masën e ndërmarrë të Kosovës përkundrejt mallrave serbe, e kanë dënuar edhe vendet e Bashkimit Europian. Kjo e fundit i ka kërkuar shtetit kosovar që të tërheqë sa më parë vendimin, pasi cënon tregtinë dhe shkel marrëveshjen e CEFTA-s.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça