Vuçiç: Jemi në pozitë të pashpresë, na kërkohet ta njohim pavarësinë e Kosovës

Presidenti i Serbisë, Aleksandër Vuçiç, deklaroi se Serbia është në një situatë shumë të vështirë në lidhje me Kosovën, duke theksuar se vendet perëndimore presin nga Serbia që të njohë Pavarësinë e Kosovës.

Pas seancës së Këshillit të Sigurimit Kombëtar, Vuçiç theksoi se ai pret që dialogu të vazhdojë në fillim të majit, ndërsa tha se Serbia është në një pozitë të pashpresë.

“Serbia është në një pozitë të pashpresë, jo sepse nuk ka qenë kurrë kështu, por është në një situatë shumë të vështirë. Unë do të doja t’u thoja të gjithë qytetarëve se Serbia se në të gjithë hemisferën perëndimore pritet që Serbia do ta pranojë pavarësinë e Kosovës dhe ky është thelbi i gjithë procesit. Gjithçka që ata duan nga ne përshtatet në një fjali, gjithçka tjetër është e parëndësishme. Nuk ka ndryshuar shumë, përveç se kjo dëshirë do të jetë më e theksuar dhe madje më drastike se më parë”, u shpreh Vuçiç.

LEXO EDHE:
Bruksel, dështim i ri në bisedimet për dinarin serb! Prishtina e Beogradi fajësojnë njëra tjetrën

Ai tha se do të insistojnë në zbatimin e marrëveshjes së Brukselit, që përfshin krijimin e Asociacionit të komunave me shumicë serbe.

“Ne do të insistojmë më fort dhe më qartë se më parë në zbatimin e marrëveshjes së Brukselit, në mënyrë të plotë, dmth krijimin e Asociacionit të komunave me shumicë serbe, siç parashikohet në atë dokument në gjashtë pikat e para. Ne do të presim që kjo të ndodhë”, tha presidenti serb.

Ai tha se në këtë drejtim, u referohet fjalëve të përfaqësuesve evropianë, si dhe të dërguarit special Miroslav Lajçak – i cili ditët e fundit ishte në Beograd – me të cilin tha se u dakorduan që duhet të zbatohen marrëveshjet e arritura.

 

/b.ha./Shqiptarja.com

TAG:
• kosova
• kosova
• kosova
• kosova
• serbia
• njohja e pavarësisë së Kosovës
• Dialogu Kosovë Serbi