Vuçiç: Marrëdhëniet me SPS-in e Daçiçit, të ndërlikuara! S’mund të llogarisësh në besnikërinë e askujt

Presidenti i Serbisë, Aleksander Vuçiç i ka vlerësuar të ndërlikuara marrëdhëniet me Partinë Socialiste të Serbisë, e cila udhëhiqet nga Ivica Daçiç. Ai i ftuar në Tv Pink tha se ekziston rreziku i formimit të qeverisë teknike dhe se “të gjithë bashkë me SPS-në kanë tre, katër për qind më pak vota se SNS”.

Në përgjigje të konstatimit të gazetarit se deklarata e tij tregon se nuk mund të llogaritësh në besnikërinë e askujt, gjë që vlen edhe për SPS-në, Vuçiç tha se i respekton jashtëzakonisht njerëzit që votojnë për SPS-në dhe se ka një bashkëpunim korrekt me Ivica Daçiçin, por se ai është “njeri realist dhe serioz” dhe se “e di se si shkon”, raporton Danas.

I pyetur nëse “Ivica Daçiç për kryeministër” (kështu quhet lista me të cilën SPS shkon në zgjedhje) është ofertë apo një lloj paralajmërimi, Vuçiç tha se nuk e ka menduar as njërën dhe as tjetrën.

Ai shtoi se SPS-në për partner koalicioni nuk e zgjodhi për shkak të krijimit të shumicës, por sepse beson se është e mirë për stabilitetin e vendit dhe theksoi se në të ardhmen do të kërkojë nga presidenti i SNS-së, Millosh Vuçeviç dhe udhëheqja e partisë, të zgjerojë frontin me njerëzit me të cilët duhet të punojmë dhe të bashkëpunojmë.

Zgjedhjet parlamentare, rajonale dhe në disa komuna, pritet të zhvillohen më 17 dhjetor.

 

S.S/Shqiptarja.com

TAG:
• aleksander vucic
• serbi
• Ivica Daçiç