Presidenti i Serbisë Aleksandar Vuçiç është deklaruar rreth hapjes së Urës së Ibrit duke thënë se janë në kontakt të përditshëm me përfaqësues të bashkësisë ndërkombëtare dhe se presin që ta mbajnë fjalën që pa marrëveshje nuk do të ketë hapje të urës.
Vuçiç po ashtu ka thënë se nuk ka vullnet të përbashkët politik mes dy vendeve për këtë çështje duke shtuar se me caktimin e datës së zgjedhjeve në Kosovë çdo gjë është fushatë dhe se presin provokime.
“Jemi në kontakt të përditshëm me përfaqësuesit e bashkësisë ndërkombëtare dhe KFOR-it, me të cilët kemi bashkëpunim shumë korrekt dhe presim që ta mbajnë fjalën e dhënë, që është që pa marrëveshje apo pa vullnet të përbashkët, nuk do të ketë hapje të urës. Vullnet të përbashkët nuk ka sepse dialog me ta nuk kemi, por e patë që kanë shpallur zgjedhje për 9 shkurt, për ta çdo gjë është fushatë, ndaj pres provokime dhe probleme shtesë, por besoj dhe besoj se KFOR-i do t’i përmbushë premtimet dhe detyrën e tij parësore në përputhje me rezolutën 1244”, tha Vuçiç gjatë një vizite në Medvegjica ku është festuar dita e bukës së misrit dhe djathit.
Përfaqësuesit ndërkombëtarë kanë reaguar ndaj kësaj çështje duke kërkuar që hapja e urës të diskutohet në dialog.
Së fundi emisari i Posaçëm i Bashkimit Evropian për dialogun Kosovë-Serbi, Miroslav Lajçak, ka thënë se çështja e Urës së Ibrit duhet të diskutohet në dialogun e lehtësuar nga BE-ja. Ndërsa tha se pretendimet se BE-ja është kundër hapjes së urës kryesore të Ibrit janë çorientuese.
Derisa të mërkurën zëvendëskryeministri i Kosovës Besnik Bislimi tha se hapja e urës së Ibrit në Mitrovicë nuk është vendim i njëanshëm i Qeverisë së Kosovës dhe as çështje e mbetur pezull apo e pazgjidhur e procesit të dialogut, por sipas tij është kërkesa kryesore e marrëveshjes mes Kosovës dhe Serbisë e të ndërmjetësuar nga BE-ja në vitet 2015 dhe 2016.KosovaPress
Lajme të tjera
-
Kosova e aleatët përplasen për Urën e Ibrit! Stano: Nëse s’na dëgjoni, do mbeteni vetëm! DASH: S’hezitojmë të mbrojmë jetët e amerikanëve
16 Gusht, 10:30 -
Pse BE-ja po kërkon që për urën e Ibrit të diskutohet sërish në Bruksel?
15 Gusht, 17:41 -
Ura e Ibrit, Osmani: Sigurohemi që të mos ketë konflikte! I drejtohet Stanos: Kur kalon në urat e tua s’i kërkon kujt leje
15 Gusht, 14:14 -
DASH: Hapja e urës së Mitrovicës në këto momente do të rriste gjasat për dhunë
14 Gusht, 19:43 -
Ura e Ibrit në Mitrovicë, ambasadori gjerman mbështet ‘vijat e kuqe’ të KFOR: Duhet shtensionim
14 Gusht, 16:56 -
BE: Statusi i urës mbi lumin Ibër në dialogun Kosovë-Serbi
14 Gusht, 16:14 -
Ura e Ibrit, Kurti: Si vend normal që jemi, ura duhet hapur! S’është kundër askujt, aq më pak partnerëve
14 Gusht, 13:16 -
Kosovë/ Zëvendësministri i Infrastrukturës publikon raportin: Ura mbi Ibër është stabile, e qëndrueshme e funksionale
13 Gusht, 22:10 -
Shqiptarët e Luginës së Preshevës dalin në protestë kundër qeverisë serbe: Duam libra shqip!
12 Gusht, 13:26 -
Debati për urën e Ibrit, Vuçiç: Presim provokime, KFOR nuk duhet ta lejojë hapjen e saj
11 Gusht, 18:15 -
Franca i bën thirrje Kosovës të mos bëjë ndonjë 'veprim tjetër të njëanshëm' në veri
9 Gusht, 16:24 -
KFOR: Inspektimi i Urës së Ibrit u bë pa koordinimin tonë, u njoftuam disa orë para se të niste
8 Gusht, 22:52
