Presidenti serb Alekandër Vuçiç ka reaguar pas lajmeve se BE ka ndjekur politikë të favorshme për Serbinë. Sipas Vuçiç, po përzihen në punët e brendshme të shtetit serb ndërsa nuk kurseu gjuhën e ashpër ndaj Albin Kurtit.
“Ata thonë: duhet të vendosësh sanksione. Faleminderit shumë që u përzie në punët tona të brendshme në një mënyrë kaq brutale”, ka thënë ai në konferencën vjetore të mbajtur mbrëmë.
“Ju thoni, duhet ta njihni Kosovën e pavarur ose të negocioni edhe pse ne negociojmë seriozisht gjatë gjithë kohës – gjë që duhej të ishte raportuar nga Lajçaku dhe Borelli – ndryshe nga të mbrojturit e tyre. Nga adoleshenti i tyre të cilin e kanë lindur dhe e mbrojnë edhe sot, ndërsa ai sillet si një djalosh arrogant që mendon se mund t'i godasë të gjithëve me shuplakë”, tha Vuçiç, duke iu referuar kryeministrit të Kosovës Albin Kurti.
![]()
Reagimi i tij erdhi pas një shkrimi të publikuar nga gazeta gjermane “Zeit”, që mbante titullin “Ashpërsia ndaj Serbisë është vonuar.”
“(Kjo politikë e BE) mund të përmblidhet në disa fjali si më poshtë: Serbia është vendi më i madh në Ballkanin Perëndimor. Pa Serbinë nuk ka stabilitet në rajon...” – shkruhet mes tjerash në këtë artikull.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)