Vuçiç: Gati të bëjmë lëshime dhe kompromis për zgjidhjen me Kosovën

Presidenti i Serbisë, Aleksander Vuçiç, duke folur sot për vazhdimin e dialogut mes Prishtinës dhe Beogradit, deklaroi se shteti i tij është i gatshëm të zhvillojë bisedime dhe të gjejë një zgjidhje mes dy vendeve.

Nuk e di nëse do të vazhdojnë në qershor, korrik apo gusht. Gjithsesi ne nuk do t’u ikim këtyre bisedimeve.

Aleksandër Vuçiç, Presidenti i Serbisë

Ai shtoi se pavarësisht gatishmërisë së Beogradit për të vazhduar këto bisedime në Bruksel, duhet të shihet edhe nëse ky dialog po prodhon diçka produktive në gjetjen e një zgjidhje të pranueshme për të dy palët, shkruajnë mediat kosovare.

LEXO EDHE:
'Mëngjesit të 17 majit Kosova anëtarësohet në KiE', Vuçiç sfidon Amerikën: Unë rri dhe pi me Dodikun e sanksionuar

Sa herë që bëj një pyetje, ajo mbetet pa përgjigje. Ne jemi të gatshëm të flasim, mirëpo duhet edhe të shohim rezultatet nga këto bisedime.

Aleksandër Vuçiç, Presidenti i Serbisë

Madje Vuçiç thotë se sipas tij Beogradi ka përmbushur të gjitha obligimet e dala nga dialogu i Brukselit, përderisa Prishtina nuk ka përmbushur të vetmen marrëveshje që e kishte obligim ta implementonte.

Para se të gjithash, duhet të shohim palën tjetër tek përmbush obligimet e saja. Ne nuk mund të flasim vetëm për gjetjen e një zgjidhje, e ndërsa Serbia kryen të gjitha të tjera dhe nuk merr asgjë në këmbim.

Aleksandër Vuçiç, Presidenti i Serbisë

Ai shton se Serbia është e gatshme për kompromise dhe lëshime, mirëpo vullnet për një gjë të tillë, Vuçiq thotë se duhet të ketë edhe pala kosovare. Vuçiç këto komente i bëri në një konferencë për media pas eventit të organizuar në Serbi për Ditën e Policisë.

TAG:
• aleksander vucic
• dialogu kosove-serbi
• presidenti i serbise

Sondazhi i ditës:

A respektohen të drejtat e punëtorëve në Shqipëri?

• Po

  23.4%

• Jo

  21.7%

• Nuk e di

  54.9%

Vota total: 11095

• Sondazhi i ditës:

  A respektohen të drejtat e punëtorëve në Shqipëri?

  Po Jo Nuk e di