POP 5

Lajmet më të lexuara të 5 minutave të fundit

Kosova & Rajoni

Vulini rithekson idenë e “botës serbe”, flet për mundësinë e luftës

Ministri i Punëve të Brendshme i Serbisë, Aleksandar Vulin e ka kthyer në diskurs termin e “botës serbe”, të cilin më nuk heziton ta ri përsërisë si synim.

Vulini rithekson idenë e “botës serbe”, flet për mundësinë e luftës

Ministri i Punëve të Brendshme i Serbisë, Aleksandar Vulin

Ministri i Punëve të Brendshme i Serbisë, Aleksandar Vulin e ka kthyer në diskurs termin e “botës serbe”, të cilin më nuk heziton ta ri përsërisë si synim.

Në një nga paraqitjet e fundit, Vulini tha se krijimi i “botës serbe” është “çelësi i mbijetesës” për popullin serb, transmeton Gazeta Express.

“Çfarë do të përfitonte Serbia nga anëtarësimi eventual në BE nëse kjo do të thoshte se ne duhet të heqim dorë nga e vërteta për popullin tonë, ta pranojmë gjenocidin e Srebrenicës, t’u kërkojmë falje kroatëve, se duhet të pranojmë se nuk kemi miq në Lindje, se duhet të largohemi nga Republika Srpska”, tha Vulin një intervistë për “Novosti”.

Serbia, sipas Vulinit ka nevojë për “botën serbe”, e cila shihet si kërcënim serioz për rajonin.

“Unë besoj fuqimisht në nevojën për ta krijuar një “botë serbe”, që serbët të jenë një popull i vetëm politik që merr vendime unike politike për çështjet kyçe dhe i formulon ato në Beograd. Ky është çelësi i mbijetesës sonë”, tha Vulin.

Ai shtoi se nuk beson në mundësinë e shpërthimit të një lufte të re në Ballkan, por sipas tij, “burimi më i madh i konfliktit” është politika e “Shqipërisë së Madhe”.

“A është e mundur që Viola von Cramon, Zagrebi, Prishtina, Podgorica, elementët islamikë në Sarajevë të na urojnë në fakt të mirën dhe prandaj e sulmojnë “botën serbe”? Nuk do të thosha. Të gjithë urojnë që të ketë sa më pak serb përtej kufijve të Serbisë dhe të mos ekzistojë ndikimi i Serbisë”, tha Vulin.

“Bota serbe” u përdor për herë të parë si term nga Vulini më 26 shtator 2020, kur ai ishte shef i Ministrisë së Mbrojtjes së Serbisë.

“Vuçiq duhet të krijojë ‘botën serbe’. Beogradi duhet të mbledhë të gjithë serbët brenda dhe rreth vetes, ndërkaq që presidenti i Serbisë është presidenti i të gjithë serbëve”, pati thënë Vulin.

Serbia qëmoti financon në mjediset me popullsi serbe në të gjitha vendet e rajonit. Gjatë vitit 2017, presidenti i Serbisë, Aleksandar Vuçiç dhe ai i Republikës Serbe, entitetit brenda Bosnjë e Hercegovinës, Milorad Dodik, kishin paralajmëruar miratimin e të ashtuquajturës deklaratë për mbijetesën e popullit serb në rajon.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 03/01/2022 00:43

    Duket qe Vulin duke i rekomanduar Vucic krijimin e /botes serbe/ po luan rolin e tilleve si:Fritsch,Langbehn,Sorel,D'Anunnzio,Niche,Wagner,Fichte,Gentile,etj.Dihen boterisht pasojat qe shkatuan keta dhe te tjere ne bote:krijimi i fashizmit dhe nazizmit dhe ardhja ne pushtet i te tilleve si Musolini,Franco,apo Hitler.Le te shpresojme qe Vucic,pavaresisht se cfare do te kishte deshire,do te kete aq sens,sa te mos behet nje Milloshevic i dyte ne duart e Vulinit & Co.

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Basha i përgjigjet Ramës: Amnistia e të korruptuarve tregoi kush e do drejtësinë! Kujdes shoqet se kanë fillu me të bo hallvën... (VIDEO)

Basha i përgjigjet Ramës: Amnistia e të korruptuarve tregoi kush e do drejtësinë! Kujdes shoqet se kanë fillu me të bo hallvën... (VIDEO)

30 Mars, 19:32