POP 5

Lajmet më të lexuara të 5 minutave të fundit

Arkiva

 Walesa: Polonia duhet të ketë armë bërthamore përballë Rusisë

VARSHAVË, 24 shtator /ATSH-AFP/ – Ish-presidenti polak, Lech Walesa propozoi që vendi i tij të marrë hua armë bërthamore për t’iu përgjigjur kërcënimit që përbën sipas tij Rusia e Vladimir Putinit, në një intervistë të publikuar sot. “Polonia duhet të tregohet e vendosur përballë Rusisë. Putini kërkon të na frikësojë me armën e tij bërthamore, ndërkohë pse […]
 Ish-presidenti polak, Lech Walesa propozoi që vendi i tij të marrë hua armë bërthamore për t'iu përgjigjur kërcënimit që përbën sipas tij Rusia e Vladimir Putinit, në një intervistë të publikuar sot.

"Polonia duhet të tregohet e vendosur përballë Rusisë. Putini kërkon të na frikësojë me armën e tij bërthamore, ndërkohë pse ne nuk duhet të kemi një arsenal të tillë?", shtroi pyetjen shefi historik i sindikatës "Solidaritet" në një artikull të të përditshmes "Rzeczpospolita".
"Ne do të duhej të kishim marrë hua ose me qira armë bërthamore dhe t'i tregonim Putinit se nëse një ushtar rus vendos këmbën në tokën tonë, ne do ta godasim", pohon Lech Walesa, 70 vjeç.

Për momentin nuk ekziston mundësia të marrim hua ose me qira armë bërthamore. Megjithatë, disa vende, të tilla si Belgjika, Gjermania, Holanda, Italia dhe Turqia kanë në territoret e tyre armë bërthamore "të përbashkëta" në kuadër të NATO-s.

Duke përmendur që ish-numri një komunist polak, Edward Gierek dëshironte të merrte në mënyrë të fshehtë armë bërthamore, Walesa konfirmoi se Polonia duhet të thotë me zë të lartë: "Zoti Putin, ne nuk do t'iu lejojmë të bëni asnjë hap përpara. Nëse ju tentoni, ju do të vdisni dhe ne do të vdesim gjithashtu".
"Unë, fitues i çmimit Nobel për paqe, do të shkoja të luftoja kundër Putinit për të mbrojtur Poloninë. I dua rusët, por nuk do të lejoja që forcat e huaja të hynin në Poloni", vijon Lech Walesa.

Përveç të tjerave, ai shprehu mbështetjen për hyrjen e Polonisë në zonën euro duke theksuar se vendi i tij është vonuar përsa i përket kësaj çështjeje./ATSh/

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Tre hanxhinjtë e Sali Berishës dhe të ndjekësve të tij!

29 Mars, 18:50 nga Poli Hoxha