POP 5

Lajmet më të lexuara të 5 minutave të fundit

Bota

Wes Moore, ylli në ngjitje i Partisë Demokratike në SHBA! Veterani i luftës në Afganistan shihet si pasues i Biden

Demokratët duket se janë të bashkuar rreth figurës së guvernatorit të Marylandit, Wes Moore, për ta nxjerrë përballë republikanëve në garën e presidencialeve të ardhshme. Ish - veterani i luftës në Afganistan me mbështetje të fortë në parti, sifdë të radhës ka garën për në Shtëpinë e Bardhë.

44 vjeçari Wes Moore, aktualisht guvernator i Marylandit, është një nga pretendentët kryesorë për të garuar përballë republikanëve në presidencialet e ardhshme.

Është karizmatik, progresiv për çështjet sociale por konservator për taksat dhe i pëlqyer në Hollivud, shkruajnë mediet amerikane. Guvernatori i parë afro -amerikan në historinë e Marylandit është gjithashtu veteran lufte, përvojë që shton pikë në CV-në e tij politike.

Pas sulmit terrorist të 11 shtatorit, Moore vendosi të regjistrohej në ushtri dhe u nis për në Afganistan, ku qëndroi dy vjet, derisa mori gradën e kapitenit. Për strategjistët demokratë, kjo pikë e fortë e tij mund të tërheqë edhe vota republikane në zgjedhjet presidenciale.

Qëkur Moore kandidoi për guvernator i Marylandit, ai pati mbështetjen e patriarkëve të demokratëve amerikanë: Nancy Pelosi, Obamat dhe Klintonët.

Ndërkohë, Oprah Winfrey, një nga moderatoret më të rëndësishme amerikane, ishte organizatorja e ceremonisë së betimit të guvernatorit.

Sipas medieve amerikane, Moor është tashmë në qendër të skenës politike nga demokratët, teksa pritet kë do të ketë përballë - Trumpin apo Ron DeSantis?

/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14