Xhaçka dhe Peleshi urojnë Bajram Begajn: Kemi zgjedhur një një njeri me vlera qytetare, do i japë institucionit të Presidencës dinjitet

Urimet e para nga socialistët për Bajram Begajn i kanë bërë 2 ministrat, Olta Xhaçka dhe Niko Peleshi.

“Urime dhe suksese zoti President! Një ushtarak, një mjek, një ish koleg me të cilin kam patur fatin të punoj me vlerësimin maksimal për profesionalizmin e urtësinë. Një President që jam e bindur do të dijë t’i japë institucionit të Presidencës dinjitetin e simbolit të unitetit te kombit”, shkruan Xhaçka.

LEXO EDHE:
Presidenti Begaj në panairin bujqësor të Lushnjes: Mirënjohje për ata që u janë rikthyer tokave, rol patriotik

“Urime të përzemërta Bajram Begajt në detyrën më të lartë, si President i Republikës së Shqipërisë. Pata kënaqësinë të punoja me gjeneralmajor Begajn si Shef i Shtabit të Forcave të Armatosura dhe jam besimplotë që atë bashkëpunim të mirë do të vazhdojmë ta kemi edhe si President dhe Komandant i Përgjithshëm i Forcave të Armatosura. I bindur se në krye të shtetit kemi zgjedhur një njeri me vlera qytetare, që do të dijë të mbrojë Kushtetutën dhe ligjin. Suksese Presidentit të ri të vendit”, shkruan Peleshi.

 

Lajmi kryesor:

Bajram Begaj president/ SHBA-BE-OSBE: Mezi presim të bashkëpunojmë! Rama: Figurë me integritet që s’diskutohet! Meta: Urime (REAGIMET)

B.K./Shqiptarja.com

TAG:
• Bajram Begaj
• bajram begaj zgjidhet president