'Xhafaj', Rama: Ekspertizë ndërkombëtare për Audio-përgjimin e PD, unë e di rezultatin

Kryeministri Edi Rama ka deklaruar se Agron Xhafaj nuk është pjesë e audio-përgjimit të publikuar nga PD, ku demokratët pretendojnë se aty është zëri i vëllait të ministrit të Brendshëm, si i implikuar në trafikun e drogës.

Rama deklaroi në foltoren e Kuvendit se audio-përgjimi i PD do t’i nënshtrohet një ekspertize nga laboratorë shkencorë ndërkombëtarë, duke shtuar se përgjigjja do të jetë një tallje e madhe për PD.

Nuk bëhet fjalë për opinion, por për një fakt, për një provë konkrete. Këtë nuk ka nevojë ta thotë askush këtu në Shqipëri, është qesharake se ajo që thashë, e përsëris prapë, unë e di rezultatin se e kam kërkuar që atë ditë. Ai që thotë se ‘prokuroria e kapur prej tij’, Prokuroria thjesht duhet ta çojë atë material.

Nuk është çështje opinioni, është me barrë, s’është me barrë, apo ka jastëk brenda, këtu është çështje faktesh. Kjo është një histori banale dhe ai përgjimi është pa lidhje fare me personin e akuzuar. Historia mbas përgjimit është akoma më e hatashme, e shikoni janë vetëm aktorë, luajnë rolin. Kam shumë shpresë që të dalin nga hetimi skenaristë, regjisorë dhe producentë.

LEXO EDHE:
'I kanë bërë vendit krimet më të mëdha’, Yzeiri: Meta e Berisha sulmojnë SPAK s’e s’janë ndëshkuar! Rama me diasporën? S’mund t’i përdorim si spektatorë futbolli

Historia është shumë herë më seriozie nga se duket, megjithatë t’ia lëmë prokurorisë. Të vijë përgjigja e analizës shkencore, nga laboratorë shkencorë ndërkombëtarë, kaq.

I bëj një pyetje shumë të thjeshtë të gjithë atyre, që hedhin akuza se ju doli që vëllai i ministri qenka trafikant droge: Çfarë do mendoni për veten tuaj, kur këtë që unë them, kur të mësoni se bëhet fjalë për një tallje të madhe me të gjithë ju. një tallje e madhe që synon destabilizimn e vendit.

Si do ju duket vetja pasi të dilni në protestë, kur të mësoni se keni dalë në protestë njëlloj siç shkohet në kinema, për të marrë dhe duartrokitur një film për të mbushur sallën e kinemasë. Zgjedhja është e lirë, secili bën atë që do. Video-përgjimi është i fabrikuar si një video-përgjim i dikujt që nuk është fare aty, e gjitha kjo bëhet për të shkatërruar rrugën drejt BE.

Kryeministri Edi Rama

TAG:
• edi rama
• seanca e kuvendit 24 maj

Sondazhi i ditës:

Tragjedia në Shkodër, a duhet gratë të denoncojnë çdo formë dhune?

• Po

  91.3%

• Jo

  4.9%

• Nuk e di

  3.7%

Vota total: 3283

• Sondazhi i ditës:

  Tragjedia në Shkodër, a duhet gratë të denoncojnë çdo formë dhune?

  Po Jo Nuk e di