POP 5

Lajmet më të lexuara të 5 minutave të fundit

Kronikë

Xhamia shekullore në Rozafë 
përplas të krishterët e muslimanët 

Famullia e Shën Shtjefnit ka organizuar në kishën xhami në kalanë Rozafa meshën e shenjtë të Shën Shtjefnit, ndërmjetësit të qytetit të Shkodrës.  Sipas organizatorëve kjo meshë organizohet çdo 26 Dhjetor, ndërsa ky është viti i10- të. VIDEO
SHKODER - Famullia e Shën Shtjefnit ka organizuar në kishën xhami në kalanë Rozafa meshën e shenjtë të Shën Shtjefnit, ndërmjetësit të qytetit të Shkodrës. 
Sipas organizatorëve kjo meshë organizohet çdo 26 Dhjetor, ndërsa ky është viti i 10- të. 

Famullitari Kuklit njëkohësisht historian Dom Nik Ukgjini ka theksuar se shkaku pse zhvillohet mesha e shenjtë në kalane e Rozafës është së pavarësisht perkatesive fetare kjo kala duhet të bashkoje të gjithë shqiptarët

dom nik ukgjini

“Këtu është vendi ku duhet të bashkohen të gjithë shqiptarët pa dallim besimi. Kemi të bëjmë më një kishe, objekt që njerëzit mblidhen për t’iu lutur Zotit dhe kur i lutesh Zotit normalisht duhet të rrezatohen nga ata njerëz paqe e mirësi, duhet harmonia e bashkëpunimi”

Meshën e mbajtur në kalanë Rozafa, myftiu i Shkodrës e ka cilësuar si provokim ndërsa e ka dënuar këtë veprim që i bëhet harmonisë ndërfetare. Sipas Myftiut Sytari në vendin që është mbajtur mesha e krishterë është xhamia shumë shekullore e Sulltan Fatihut e cila për pak vite është kthyer në kishë por për shkak të harmonisë të muslimanëve nuk u prish ai objekt duke u lënë ashtu sic është tani.

myfti sytari

 “Të dënojë çdo lloj provokimi ndërfetar që i bëhet hamonisë bndërfetare dhe bashkëjetesës ndërfetare nga kushdo qoftë në rrobën e fesë në këtë qytet dhe në këtë vend. Xhamia shumëshekullore e Kalasë është xhamia e sulltan Mehmet Fatihut, dhe nëse për pak vite nëse në ambientet e saj kanë pasur një origjinë të krishterët është pikërisht toleranca dhe elementi qytetarues i myslimanëve që nuk e prishën atë objekt”

Deklaratat e myftiut janë bërë gjatë predikimit të së premtes nga xhamia e Parrucës. Sipas myftiut harmonia dhe diversiteti fetar është një vlerë e madhe e Shkodrës dhe se kushdo që e cënon atë, në fakt ka prekur vetë dinjitetin dhe shpirtin e madhe të këtij qyteti. Ndërkohë Sytari bëri thirrje që muslimanët të respektojnë vlerat e fesë së tyre që nxit për harmoni dhe respekt ndërfetar, sidomos me të krishterët.

shkoder

Redaksia Online
(Shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Në hetim për ndërtimin e një trotuari, SPAK kërkon pushimin e çështjes për Pjerin Ndreun

Në hetim për ndërtimin e një trotuari, SPAK kërkon pushimin e çështjes për Pjerin Ndreun

9 Janar, 19:25 nga Keti Banushi