Ulsi Manja u ka rikujtuar protestuesve dhe demokratëve një ‘këshillë’ tijën të disa muajve më parë, saktësisht të 18 korrikut, pas përplasjeve të regjistruara sot mes tyre.

Duke marrë shkas nga konflikti mes palëve, kryetari i ‘Ligjeve’ sugjeroi sërish që njëra të marrë sheshin ‘Skënderbej’ e tjetra bulevardin duke lënë “zonë neutrale” sheshin ‘Nënë Tereza’. Më tej, i nxit ta bëjnë sa më shpejt pasi kjo po e kthen protestën në “gazin e botës”.

Postimi i plotë:

Ndajini sheshet, se jua kam dhënë këtë këshillë që më 18 korrik!

Njëra palë të marrë Sheshin Skënderbej, tjetra Bulevardin, ndërsa Sheshin Nënë Tereza lëreni zonë neutrale!

Bëjeni, se jeni akoma në kohë! Se jo vetëm që s’po merreni vesh me njëri-tjetrin, por po na bëni gazin e botës edhe me protestën!

Mos thoni pastaj që s’jua kam thënë!