Xhelozia, shkak ndarje mes Adrian Gaxhës me Luanës

Edhe pse disa herë nëpër media është përmendur martesa e planifikuar mes Adrian Gaxhës dhe Luana Vjollcës, duket se jo gjithçka eci sipas parashikimeve. Fundi i lidhjes së tyre dihej, por jo kaq shpejt, e sidomos pas frekuentimit të tyre të shpeshtë kohët e fundit. Fundja, largësia e bën të veten. “Adriani çdo moment të lirë e shfrytëzonte të udhëtonte drejt Tiranës për të qenë së bashku, por zyrtarisht lidhja e tyre ka përfunduar para një muaji, kur Adriani kishte pasur një prezantim në festivalin ‘Kënga Magjike’ në Tiranë”, thekson një burim nga familja e ngushtë e këngëtarit. Por e vërteta për fundin e lidhjes së tyre ishte xhelozia e tepruar e Luanës, duke e detyruar këngëtarin që ta lajmëronte çdo ditë atë, edhe disa herë brenda ditës madje, që të vërtetonte se është në shtëpi. Xhelozia ka kaluar limitet, duke e detyruar Adrianin që të qëndrojë online gjithmonë në skype, për të qenë e sigurt se ai nuk ka dalë në qytet.