Xhesika Berberi: Karakteri më bën të veçantë!
Xhesika Berberi, bukuroshja shqiptare që përfaqësoi Shqipërinë para dy vitesh në “Miss Universe”, tashmë është bërë imazhi më i preferuar për shumë agjensi në mbarë botën. Këtë herë ajo do të jetë një ndër
Xhesika Berberi, bukuroshja shqiptare që përfaqësoi Shqipërinë para dy vitesh në “Miss Universe”, tashmë është bërë imazhi më i preferuar për shumë agjensi në mbarë botën. Këtë herë ajo do të jetë një ndër prezantueset përkrah Enkel Demit në edicionin e 52-të të Festivalit të Këngës në RTSH. Në një intervistë për “Shqiptarja.com” bukuroshoja sharmante, rrëfen emocionet e para të saj në skenën e Pallatit të Kongereseve, marrdhënien e saj me publikun nga pasarelat në një eveniment siç është festivali si dhe vazhdimësinë e karrierës së saj si modele në shumë agjenci dhe lidhjen e ngushtë me fotografin Fadil Berisha. Vetëm pak muaj më parë, pas një fotosesioni në Turqi, së bashku me modelin turk Tarik Ediz dhe modelen shqiptare, Afërdita Dreshaj, “Miss Univers 2011” është cilësuar si një nga femrat më të bukura në Ballkan. Ndërkaq, Berberi është bërë edhe imazh i stilistes së njohur Sherri Hill, duke prezantuar edhe koleksionin e saj, të shoqëruar me një set fotosh të realizuara në studion e fotografit Fadil Berisha. Më poshtë lexoni rrëfimin e imazhit shqiptar në modeling, Xhesika Berberit.
Pas ardhjes tuaj nga Amerika ju është bërë oferta për të qenë përkrah prezantuesit Enkel Demi në festivalin e RTSH-së. Si ndiheni?Ndjehem mjaftë me fat dhe e priveligjuar që mu dha ky rast. Kam një falenderim për të gjithë ato që më propozuan që të dal për herë të parë në skenën e madhe të Pallatit të Kongreseve dhe sigurisht, që kjo është një eksperiencë e parë për mua dhe do të jetë e paharruar.
Hera e parë si prezantuese! Marrdhënia me publikun mendon se të emocionon po aq fort sa sfilatat e modës?Emocioni është një ndjesi aq e bukur kur njerëzit e përjetojnë, dhe kjo gjë më pëlqen sepse jep ato të mirat e veta. Sigurisht që marrdhënia me publikun e sfilatave është krejtësisht ndryshe nga kjo e prezantimit në një event të tillë, por mundohem ti jap shumë kurajos vetes, e bindur se do ja dal më së miri.
Ju bën akoma më të sigurit të qenit përkrah një prezantuesi me pervojë siç ëhstë Enkel Demi?Më bën aq të sigurt, pasi që në ditët e para të provava na ka bërë të ndjehemi komode dhe pa sikletet përkrah tij. Jam e kënaqur që eksperiencën e parë si prezantuese do ta kem përkrah tij.
Sipas stafit organizator ju do të prezantoni në dy netët e para sëbashku me Marinelën. Çfarë do të kesh ti të veçantë nga dy partneret e tjera?Të veçantë! Secila nga ne ka karakterin e saj dhe besoj kjo na bën të veçantë në skenë.
Skenari është baza e fortë e një festivali. Do t’iu pëlqente të dilnit nga korniza dhe të jeni më vetvetja, qoftë dhe me batuat?Në fakt, mua më pëlqen më shumë kur batuat vijnë në mënyrë spontane se sa kur i bazohesh skenarit, por sigurisht do mundohem të fus shumë edhe nga vetja ime për ti dhënë më tepër ngjyrë natyralitetit këtij festivali.
Përsa i përket karrierës tuaj si modele, në çfarë faze jeni momentalisht?Përsa i përket karrierës sime si modele, vazhdoj të kemë një kontratë me angjensinë “Images” në New York prej dy vjetësh, ndërkohë kam një kontratë me një firmë turke që nxjerr veshje mbrëmjesh dhe nusesh. Që kur realizuam një fotosesion në Turqi, së bashku me modelin turk Tarik Ediz dhe modelen shqiptare, Afërdita Dreshajn u bëm dy imazhet kryesore të kësaj kompanie. Pas gjithë këtyre angazhimeve e them me bindje që ndjehem me shumë fat, ndryshe nga shumë modele shqiptare që kam arritur të jem imazhi i shumë firmave të njohura në Europë dhe Ballkan.
Ka qenë dhe dora e fotografit të njohur Fadil Berishës që ndoshta ka ndikuar në karrierën tuaj si imazh “in”?Padiskutim! Ai ka qenë ndikimi im i parë në botën e modelingut. Ai është një artistë që bën shumë për shqiptarët kudo që janë dhe për mua është një baba i dytë. Në rrugën time gjatë këtyre dy viteve më ka ndihmuar shumë dhe sigurisht që pa të nuk do të isha asgjë dhe pa të moda në Shqipëri nuk do të ekzistonte.
Shkrimi u botua në numrin e sotëm të gazetës "Shqiptarja.com" versioni print
Redaksia Online
(Xhulia Karavella/shqiptarja.com)
34/2
Sondazhi i ditës:
A justifikohen aktet e dhunes gjatë një proteste politike?
-
Po
20.9%
-
Jo
73.5%
-
Nuk e di
5.6%
Vota total: 1196
Votat totale janë unike
Lajme të tjera
-
'Nëse nuk më kërkon drejtësia, Berisha e di çfarë jam i aftë të bëj', Paro Laçi: Sa të jem gjallë do i shkoj deri në fund! Akti i fundit përballja në Bruksel
9 Tetor, 18:05
-
Veliaj prezanton projektin për sheshin ‘Avni Rustemi’ dhe parkingut nëntokësor te Pazari i Ri: Prioritet i qytetit janë njerëzit
9 Tetor, 18:01
-
Spahiu zbulon: Pse Rama ka zgjedhur si partner rajonal Turqinë, ndërsa Berisha ka Greqinë….
9 Tetor, 18:01
-
'Ilir Meta të ruhet!' Deklarata e fortë e Paro Laçit në 'Studio Live': Berisha bëri plan të mirëfilltë ta eliminonte! Porositi dhe vrasjen e Neritan Cekës e Rexhep Meidanit
9 Tetor, 17:56
-
Spahiu: Xhamia e madhe, balancon myslimanët me të krishterët që kishin katedrale Katolike dhe Orthodhokse në mes të Tiranës
9 Tetor, 17:51
-
Dalin në shitje biletat për ‘Prokurori-n’! Filmi shqiptar ku luan edhe aktori i njohur hollivudian
9 Tetor, 17:50
-
Nga 1 janari, certifikatat e origjinës nga Doganat në mënyrë elektronike! Shtohen edhe 4 aplikacione të reja online
9 Tetor, 17:48
-
Spahiu: Protesta e PD ishte qesharake si tifozat e Partizanit dhe Tiranës, me djegie pemësh, thyerje xhamash dhe fishekzjarre
9 Tetor, 17:43
-
Leku forcon pozitat përballë euros, humb terren ndaj dollarit
9 Tetor, 17:37
-
Spahiu: Nëse PD nuk largon Berishën, do shkrihet pas humbjes drastike të zgjedhjeve 2025
9 Tetor, 17:36
-
Protesta e dhunshme e PD/ Braçe: S’ka ndodhur kurrë të rekrutohen e armatosen fëmijë për akte terrori! Pse hesht Avokati i Popullit, nga kush trembet?
9 Tetor, 17:27
-
Nesër Presidenti i Turqisë vjen në Tiranë! Policia blindon kryeqytetin, ja rrugët që do të bllokohen
9 Tetor, 17:27