POP 5

Lajmet më të lexuara të 5 minutave të fundit

Kronikë

Xhihadistët e  "Unazës së Re"
Prokuroria kërkon ndihmën e KMSH

8 muaj pasi Prokuroria e Krimeve të Rënda ka arrestuar 13 persona mes tyre dhe imamin e vetëshpallur Genci Balla i cili predikonte islamin radikal pranë Xhamisë së Unazës së Re, me anë të një shkrese prokuroria  kërkon ndihmën e Komunitetit Mysliman për mbajtjen nën kontroll të situatës. Ky fakt konfirmohet për A1Report nga një burim pranë organit të akuzës, i cili tha se nga vëzhgimet e bëra në terren ka rezultuar se prej muajit shtator aty kryenin rite fetare dhe një pjesë besimtarësh të kthyer nga Siria. VIDEO
Xhihadistët e  Prokuroria kërkon ndihmën e KMSH">
Pas arrestimit të imamit të vetëshpallur, Genc Balla, organi akuzës kërkon nga Komuniteti Mysliman të marrë nën administrim Xhaminë e Unazës së Re.

Një burim pranë prokurorisë tha për A1 Report se pas informacioneve të marra në terren nga shërbimet e inteligjencës ka rezultuar se në këtë xhami është riaktivizuar predikimet e rrymës radikale të fesë islame.

I njëjti burim sqaroi për A1Report se nga Komuniteti Mysliman kanë marrë përgjigje negative për marrjen në dorëzim të këtij objekti kulti pasi nga Komunitetit Mysliman kjo xhami nuk njihet zyrtarisht dhe predikimet që bëhen aty nuk kanë miratimin e zyrtarëve të fesë islame në Shqipëri dhe prej kohësh bashkësia islame është distancuar nga kjo rrymë radikale.

Kjo kërkesë vjen në një kohë kur kanë kaluar 8 muaj që Prokuroria e Krimeve të Rënda ka nisur hetimet për Ballën dhe 13 të arrestuar të tjerë me aktivitet të dyshimtë dhe të implikuar me dërgimin e shqiptarëve në luftën e Sirisë.

Hetimet për të arrestuarit me në krye imamin e vetëshpallur,  Genc Balla janë ende të hapur dhe pas verifikimeve të burimeve financiare të mënyrës se si është ndërtuar xhamia në Unazën e Re do të ketë dhe vendim sekuestro nëse vërtetohet se paratë për ndërtimit e këtij objekti kulti janë të jashtëligjshme.




Redaksia Online
(g.f/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29