Xibraka/ ’45-vjeçari brun i lidhur me PD’, Bardhi i përgjigjet Ballës: Po kryen veprën penale të moskallëzimit të krimit! Ministri: Po përdoresh

 

Gazment Bardhi ka reaguar ndaj deklaratës së ministrit Taulant Balla, i cili tha se personi brun 45 vjeç, i përmendur në dosjen e Xibrakë,s nuk është Olsi Rama, por një person i lidhur me një deputet të PD. Bardhi tha se ministri i Brendshëm po kryen krim të rëndë, dhe po konsumon veprën moskallëzimi i krimit.

Bardhi: Në asnjë rast nuk do të dëgjoni nga grupi i PD të sulmojë punonjësit e ndershëm të Policisë së Shtetit që janë lënë në baltë nga kupola drejtuese. Nuk mund të mbështesim atë që ka thënë drejtuesi i SPAK se në raste të caktuara nuk mund të bashkëpunojmë me policinë pasi na rezulton se ka policë të përfshirë edhe në nivele të larta. Ne nuk mbështesim dot punonjësit e policisë që prishën provat në laboratorin e Xibrakës. Ua vura re sikletin për të folur për këtë çështje. Iu pyeta nëse ka raporte vëzhgimi. Pse nuk tregoni pamjen e 45-vjeçarit të paidentifikuar? Ju e ditkeni identitetin e këtij personi dhe nuk përcillini në prokurori se kush është ky person. Ky është krim i rëndë. Prokuroria e ka në kërkim këtë person, dijenia ju vendos përballë përgjegjësi për moskallëzim krimi.

LEXO EDHE:
Krishtlindja, Kartolina e krerëve të shtetit dhe politikës për besimtarët katolikë! Begaj: Të reflektojmë mbi vlerat më të larta të njerëzimit

Balla: Që të sqarohemi. I vetmi moskallëzim krimi po ndodh nga ana juaj se u zotuat që do bëj kallëzim dhe s’ke bërë

Bardhi: Kam bërë kallëzim. Ku e di ti ca kam dorëzuar.

Balla: Bëni mirë të mos përdoreni. Gazi po përdoresh. Ti Albana ca ke, pse e mbron gazin. Para 6 muajsh për ty ishte djall, tani engjëll. Ku i dihet bëhet djall prapë.

Dash Sula: Ministër bërë deklaratë publike, ku thatë se personi i lidhur me laboratorin e Xibrakës është i lidhur me një deputet të opozitës. E thotë ministri i Brendshëm. Ju keni konsumuar një vepër penale, moskallëzimi i krimit. Keni dijeni dhe s’keni raportuar, denoncuar në organet e shtetit dhe i kërkoni llogari për kallëzim të rremë Bardhit.

Lajmi kryesor:

Akuzat ndaj Olsi Ramës për Xibrakën, Balla i përgjigjet Bardhit: Shko poshtë ballkonit dhe pyet Saliun kush është bruni 45-vjeçar, i lidhur me një deputet të PD

SI.E./r.k./Shqiptarja.com

TAG:
• Olsi rama
• edi rama
• taulant balla
• gazment bardhi
• elisa spiropali
• TIMS