Ylli Manjani: Revoltë
popullore po u prekën votat

Palët janë të bindura më shumë se kur se duhet të jenë më të kujdeshme në qendrat e numërimit të votave, aty ku do të dalë rezultati i zgjedhjeve sesa të presin certifikimin nga KQZ apo nga Kolegji Zgjedhor.

Të kontaktuar nga gazeta Shqiptarja.com ekspertët e çështjeve zgjedhore në PS dhe LSI, Bledar Çuçi dhe Ylli Manjani tregojnë rëndësinë që do tu kushtojnë pikërisht këtij niveli komisionerësh, Grupeve të Numërimit të Votave që do të bëhen në 89 KZAZ.

Manjani paralajmëron një revoltë popullore nëse sipas tij do të preket vota, ndoënse shprehet i sigurt se kjo nuk do të ndodh për faktin e monitoruesve dhe komisionerëve që ka në çdo GNV. “Kushdo që prek votën që del nga Qendra e Numërimit si e numëruar, e ka pisk punën.

Me Kolegj dhe pa Kolegj do ketë revolt popullore nëse mundohen të prekin votën. Pyetja është se si shkon në Kolegj një çështje që nuk e gjykon KQZ? Të zgjidhë njëherë këto probleme Saliu. Ne i rrimë fort vendeve të numërimit të votave, aty ku do të dalë rezultati.

Kjo nuk është një problem legal. Vota numërohet në GNV dhe ajo votë që del nga aty nuk ka burrë nëne që ta transformojë. Aty ka vëzhgues, ka komisionerë dhe numërues nga partitë, të cilat kanë aksesin e nevojshmën që për të bërë ankesa dhe saktësime”, thekson Manjani.

Ndërkohë që ekseperti ligjor i PS tregohet i sigurt se nuk do të ketë ansjë mundësi që të preket vota, kështu që palët nuk kanë pse të planifikojnë asnjë qëndrim.

TAG:
• kqz