Nëse vihet re gjatë taimeve të fundit të Foltores, apo deklarimeve të Berishës dhe personazheve të tjera të saj, bie në sy shantazhi si formë e lëvizjes politike.
“I bëj thirrje të largohet”, “më 12 dhjetor të lëtë PD-në”, “Nuk do ta lëmë, do të largohet”, “Do hyjmë të marrim selinë e PD-së”, etj, janë disa nga frazat më të njohura të presionit.
E gjithë kjo taktikë, ka një arsye të rëndësishme përse ndiqet. Presioni nuk u drejtohet Lulzim Bashës dhe njerëzve të tij të afërt, pasi dihet se nuk do të ketë efekt, por atyre që kanë ndarë mendjen të shkojnë në Kuvendin e thirrur nga kryesia e PD-së më 18 dhjetor.
Pasi 11 dhjetori i thirrur nga Sali Berisha, sido që të paraprijhet dhe zhvillohet me zhurmë, tam-tame, tupana e curle, ai thuajse nuk do të ketë vlerë fare, nëse nuk do të sjellë rezultat.
E rezultati më i vogël që mund të sjellë 11 dhjetori, është që të dështojë 18 dhjetori.
Nëse nuk realizohet ky qëllim, pra nëse edhe Lulzim Basha arrin të mbledhë Kuvendin “zyrtar” të thirrur nga ai, e gjithë Foltorja e përpjekja disamujore do të shkojnë dëm.
Kjo për vetë faktin se data e Kuvendit të Bashës është më e vonë, e ka mundësi që të ndjekë të gjitha evenimentet e 11-s, për të bërë të mundur që mbledhjen e tij më 18 dhjetor ta zhvillojë të paktën më të mirëorganizuar.
Në pamje bazike, mbledhja e Berishës në Arena Kombëtare do të jetë një miting i madh, ku natyrisht toni e forma do të prevalojë mbi përmbajtjen.
Por thelbi i çështjes është legjitimiteti dhe besueshmëria e njerëzve që o të mblidhen më 11 dhjetor. A formojnë ata kuorumin zyrtar për të mbledhur Kuvendin e Partisë Demokratike? Kush do ta vërtetojë këtë, që do të thotë kush do të jetë ai autoritet mbi palët apo që ka besimin e dy palëve për të bërë arbitrin? Natyrisht askush. Vetë Sali berisha dhe njerëzit e tij do të shpallin se kuorumi për të mbajtur Kuvendin e PD-së është i garantuar, e kështu do të shtyjnë axhendën e mbledhjes, që do të bëhet në 10 minua, kurse pjesa tjetër do të jetë fanfara, fjalime të ashpra, e mbi të gjitha zhurmë e presion ndaj Lulzim Bashës e mbështetësve të tyre.
Por, nëse më 18 dhjetor, Lulzim Basha, arrin të mbledhë Kuvendin, natyrisht me një procedurë më të qartë e të prezantuar, mund të rrëzojë të gjithë “kështjellën” e Foltores, duke e kthyer në një kala prej rëre.
Pasi, ka një gjë thelbësore në këtë rast; të dyja palët janë tashmë antagoniste, e që nuk e pranojnë njëra-tjetrën.
Që do të thotë: ata që mblidhen më 11 dhjetor, nuk do të marrin pjesë më 18 dhjetor, e anasjelltas. Mirëpo ndërkohë që analiza e vërtetimi i mandateve të Kuvendit të Berishës, sipas gjasave do të jetë në zhurmë e sipër, është e gjitha koha e mundshme që një javë më pas, Basha të bëjë në Kuvendin e tij, si transparencën e rregullsisë së mbledhjes së Berishës, por edhe atë të tijin, që bëhet lehtas dhe thjesht nga diferenca e numrave.
Mos pranimi i verifikimit të formularëve të dorëzuar nga Berisha në zyrën e Palokës nga stafii i Bashës, ka shtuar dyshimin për parregullsi, si dhe faktet e dala si nga Fiks Fare, apo njerëzit që deklaruan se i janë falsifikuar firmat, janë prova të forta të një parregullsie e ndotjes së procesit në përgjithësi.
Por sa, kjo ndodtje do të ndikojë në kthimin e kësaj zhurme në akt politik, e vendos vetëm 18 dhjetori. Nëse ai do të kryhet nga një numër normal të kuorumit të duhur për mbledhjen e Kuvendit të PD-së, atëherë mund të thuhet me mjaft siguri, se kemi të bëjmë me dy grupime të ndryshme politike, që kanë zhvilluar thjesht asambletë themeluese të tyre. Pra partia e Sali Berishës dhe ajo e Lulzim Bashës, që sipas gjasave, për legacy-në e emrit e siglës do të përballen në gjykatëe…./ Gazeta 'Tema"
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
