Edi Rama më shumë, por edhe drejtues të tjerë të mazhorancës më pak, po e rrisin dozën e akuzave ditë pas dite ndaj Sali Berishës, në lidhje me të ashtuquajturën “aferë ruse të PD-së”.
Rama, ka folur sot nga Tropoja, vendlindja e Sali Berishës në lidhje me këtë çështje, ku duhet thënë e ka rritur më shumë dozën e këtyre akuzave. Ka quajtur jo vetëm Berishën, por edhe aleatin e tij Ilir Meta, pa e përmendur me emër, si “vegla të Putinit”.
Jemi në një atmosferë parazgjedhore të hershme, e duket se përshkallëzimi i sulmeve do të marrë duke ardhur, forma dhe tone të ndezura e shumë të ndezura. Ndërkaq, nga ana tjetër, edhe Sali Berisha, nuk e ka lënë pa gjë kundërshtarin e tij, të cilin herë pas here e quan “vasal të Vuçiçit, njeriut të Putinit”.
Duke mos e llogaritur Ilir Metën, i cili shpërthen me hënë, duke premtuar se do ta thyejë në mes lepurushin, në këtë linjë, pra të akuzës si njeriu i Vuçiçit, Berisha ka aleat edhe Vjosa Osmanin dhe njerëzit e qeverisë së Albin Kurtit, duke nisur nga ministrja Donika Gërvalla.
Megjithatë, publiku shqiptar është mësuar me retorika të ashpra, edhe pse kujtesa e opinionbërësve politikë nuk se ka gjatësi vale në trajtimin real të lidhjeve apo tangenteve të Tiranës me politikën e Kremlinit.
Ku ndër vite ka pasur të dhëna, fakte, diskutime, madje prej vitit 2013 me anë të armëve kimike të Sirisë e më pas në çadrën e vitit 2017 cila “rastisi” me operacionin rus në Shkup, apo në 2019-n, ku televizioni RT jepte live sulmin me Molotov e me heshta para kryeministrisë.
Ky diskutim ka pasur dy anë në panelet e darkës, ku realisht nuk është shqetësuar askush për të analizuar realitetin, por thjesht janë përplasur fort e me kakofoni palët.
Megjithatë, në këtë zulm kakofonik, janë vënë re qëndrime të atypëratyshme, të cilat janë kthyer më pas në skeda apo vijë diskutimi, ku edhe janë kryqëzuar lidhjet, apo influenca e Vladimir Putinit në politikën shqiptare.
Jemi në kohën kur Sali Berisha sapo shpallet non grata prej qeverisë amerikane, me motivacionin tashmë të njohur të “Korrupsionit të rëndësishëm”, “pengim të drejtësisë” dhe “minim të demokracisë”.
Ky vendim, solli një çakërdisje të madhe, sidomos në mbështetësit mediatikë, që mërzitjen, mllefin, apo kundërshtimin e vendimit të SHBA, e kthyen në një qëndrim politik antiamerikan të diapazonit opozitar. i cili gjatë këtij udhëtimi njëvjeçar ka pasur shpesh ngjyra e zhvillime dramatike, që natyrisht ka ndikuar në majisjen e një opinion jo real politik të opozitës shqiptare. Pasi kemi të bëjmë me interesa apo inate thjesht për Sali Berishën, i cili po sipas këtyre mbështetësve “kishte 9 vjet që ishte tërhequr”.
E meqë ishte tërhequr, Sali Berisha mund të të vijonte betejën e vet personale dhe të familjes së tij për të ndrequr imazhin, pa e njollosur opozitën. Por mirë që e njollosi, por kemi parë edhe tangenciale mjaft të rrezikshme, që siç dhe janë publikuar në media, janë referuar nga qarqet e Moskës dhe Kremlinit.
E zhvillimi më i fortë në këtë rast, ka qenë pikërisht ai kur mbështetësit e tij, e relativizonin Non gratën e Sali berishës, me një ndëshkim jo kaq homolog të qeverisë amerikane për Milorad Dodik, Presidentin e Republika Srbska dhe aleatin më të dukshëm të Vladimir Putinit në Ballkan.
Mbështetësit e Berishës, duke ju referuar një takimi të Gabriel Escobar me Presidencën kolektive të Bosnjës, thanë se meqë SHBA takon dhe e trajton Dodikun që është një aleat i Putinit si intelekutor, të njëjtën gjë do ta bënin edhe me Berishën.
Natyrisht që ishte një justifikim për të krijuar çorientim tek njerëzit, por duhet parë se kush e ka ideuar këtë logjikë. Pasi pikërisht në atë argument Sali Berishën e kanë homologuar me veglën e Vladimir Putinit në Ballkan. Natyrisht ka edhe të tjera, por kjo ishte më e bujshmja si argument, që siç dihet doli një boomerang i madh…
Komente
Lajme të tjera
-
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
Fale Rames vendi yne ka marre zhvillim dhe ska bere asnje abuzim
PërgjigjuRama duhet te vazhdoj perpara edhe pse kta i ka len me kohe mbrapa
PërgjigjuRama nuk duhet te merret fare me kta
Përgjigju