Qëndrimi zyrtar i kryeministrit të Shqipërisë në Strasburg pro UÇK-së dhe kundër raportit të Dick Martyt, ka prodhuar disa zhvillime krejt interesante politike. Natyrisht më shumë në Kosovë, sesa në Tiranë. Por edhe këtu nuk është pa gjë. Në Kosovë, Vetëvendosje dhe struktura e fortë e pushtetit që doli nga mazhoranca e madhe e 14 shkurtit 2021 thuajse është bukosur fare.
Si Vjosa Osmani, si kryetari i Kuvendit të Kosovës Glauk Kunjovca, por edhe vetë Albin Kurti që është shefi i të treve nuk ka begenisur të dalë me një qëndrim politik. E kjo është krejt jo normale. Ata duhet të thonë se o e pëlqejnë, ose s’e pëlqejnë fjalimin e Edi Ramës. O ishte i duhur, ose nuk ishte. Nuk ka sens injorimi i një zhvillimi politik të tillë. Por përveç xhelozisë personale apo aspektit të protagonizmit dhe egoizmit, çështja është politike.
Edi Rama, në një farë mënyre është kthyer në një faktor politik që po e bashkon politikën opozitare në Kosovë, kur deri tani nuk e ka bërë kush. Nuk ka ndodhur asnjëherë, që kaq figura të rëndësishme të Lidhjes Demorkatike të Kosovës, si Isa Mustafa, Avdullah Hoti, të dy kryeministera, e Skënder Hyseni, zv..kryeministër e ministër që të flasin pozitivisht për një zyrtar të Partisë Socialiste. Për të mos thënë PDK-në, e cila dukshëm prej lidhjes që kanë me liderin historik Hashim Thaçi si dhe ish-kryeparlamentarët: Kadri veseli e Jakup krasniqi, çështja bëhet edhe më emocionale.
Por a është sot Edi Rama “baba” i opozitës së Kosovës? Fakt është që vrulli i Ramës për të mbrojtur krerët e UÇK-së ka zgjuar mjaft shpirtëra të tulatura pas arrestimeve dramatike të vjeshtës 2020. Kush e mban mend fushatën e vitit 2019 e 2020 në Kosovë, e gjitha u bë në “rrezikun” se Edi Rama ishte barë gati të ndante me thika Kosovën, së bashku me SHBA-në dhe Hashim Thaçin.
Sot Albin Kurti ka ardhur në pushtet, madje absolute, e thikat dolën që nuk ishin të vërteta, kështu që ajo armë me të cilën vetëvendosje dhe Vjosa Osmani rrëzuan krerët e UÇK-së, do t’i kthehet mbrapsht. E ky kthim mbrapsht po vjen me një fuqi politike të rëndësishme: ku përballë Kurti nuk ka vetëm politikanët e dalë nga UÇK-ja, por edhe LDK-në e Mustafës dhe Hotit, pra një spektër të gjerë, i cili ishte i sukseshëm në zgjedhjet lokale të një viti më parë në Kosovë. Kurti i humbi zgjedhjet në Prishtinë, Prizren, Mitrovicë, etj, pra qytetet kryesore, vetëm si pasojë e bashkimit të PDK, LDK e AAK si një front politik. i cili së shpejti do ta sfidojë Albin Kurtin, sidomos pas takimit të pritshëm me Vuçiçin.
Ky pra është efekti politik në Kosovë, që në fund të fundit është pozitiv, pasi kemi të bëjme me një fuqi të shtuar të ushtrimit demokratik. Ndërkaq, në Shqipëri, fjalimi i Ramës pati një sulm apo nihilizëm të fortë të Sali Berishës, i cili e cilësoi skandaloz, një heshtje të Ilir Metës dhe një qëendrimi më racional të opozitës tjetër.
Qëndrimi ekstrem i Berishës ndaj Ramës, u rimor sot nga mediat serbe, të cilat e shitën në vitrinë si një deklaratë e “ish-Presidentit të Shqipërisë”, çka është e vërtetë. Nga ana tjetër, Berishës i djeg më shumë së të gjithë ai qëndrim kundër Dick Marty-t. Pasi kur ka qenë kryeministër ai, u miratua raporti, dhe natyrisht u fundos UÇK-ja. Dhe më e keqja, deputetët e PD-së, e kanë votuar pro rezolutën e Dick Marty-t. E nëse kjo bashkohet me Marrëveshjen e Detit e ca të tjera. Ndaj Berisha ka vendosur që ta kontestojë egërsisht, si një rrugë për të shpëtuar trashëgimin ë tij politike, të cilën nuk po e mbron asnjë përveç vetes së tij./
Komente
Lajme të tjera
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
INTERVISTA/ Fehmi Abdiu: Ma riktheni Kushtetutën e 1998-s, arnat e shëmtuan
27 Nëntor, 16:52
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29
Pse u dashka tè reagojè gjithkush kur Edi Rama bèn cirkun e radhès? Po qe se do kishte sens politik pèr mbrojtjen e interesave kombètare, atèherè ka rrugè dhe metoda boll pèr tè pèrpiluar njè strategji kombètare pèr tema tè tilla. Koordinimi i lèvizjeve, èshtè jetik nè raste tè tilla. Fakti qè ky koordinim nuk ka ndodhur, tregon protagonizmin individual tè Ramès, tipik pèr kèto 10 vjet qeverisje pa asnjè plan nè politikèn e jashtme shqiptare. Politika e Edi Ramès, si nè zhvillimet e brèndshme ashtu edhe nè ato tè jashtme, tregon mungesèn, jo vetèm tè ndjesisè pèr mbrojtjen e interesit kombètar karshi politikave TÈ STRUKTURUARA ANTISHQIPTARE tè fqinjève tanè jugorè dhe veriorè por edhe tè njè fodullèku tè pakuptimtè nè aspektin e formatit si politikan. Shqiptarèt nè Shqipèri,,jetojnè nè mjerim total ndèrsa ky kryeministèr luan rolin e palaços sè cirkut pèr botèn. ASGJÈ nuk u arrit me atè teatèr fshatarèsh, me fjalimin e tij para eurodeputetève, ndaj Albin Kurti nuk ka pse komenton çdo marrèzi tè tillè.!!!
Përgjigju