Po të shikoje të tre mitingjet e sotme në Shkodër, krijohet realisht një ide e asaj që përbëjnë forcat apo faktorët që do të sjellin fitoren e së dielës. Partia Socialiste, pra mazhoranca dhe PD-ja e Lulzim Bashës zhvilluan tubimet më të mëdha, ku së paku, sipas të gjithë vëzhguesve mediatikë, kishte nga 2 mijë vetë.
Sali Berisha e mbylli fushatën në sallën e Teatrit “Migjeni” e cila mban si kapacitet rreth 700 persona, maksimumi 800.
Edhe pse indikativë, nuk janë vendimtarë mitingjet apo tubimet që japin në publik zhurmë dhe brohoritje.
Në kulmin e pushtetit të Partisë Demokratike në vitin 1996, në Shkodër fitoi një subjekt politik krej i ri dhe i vogël, i cili të gjitha tubimet i kishte mbajtur në kinemanë kryesore të qytetit dhe jo në shesh.
E duke ardhur tek zhurma, ka mbizotëruar debatin këto ditë një sondazh i kompanisë greke që ka bashkëpunuar prej kohësh me euronevvs Albania. Sondazh që jep në avanbtazh Bardh Spahinë e “Shtëpisë së Lirisë”.
Një pedagog i Universitetit të Shkodrës, i cili është marrë prej vitesh me sondime publike në qytet, jo thjesht politike, por edhe për çështje ekonomike e sociale, thotë për TemA, se ky rast është krejt i veçantë.
Sipas tij kampioni i zgjedhur zakonisht për një sondazh është i famshmi kampion i mbështetësve që zgjidhen nga zonat, moshat apo kategoritë e ndryshme. E në këtë logjikë, kampioni ka përfshirë një pjesë që krejt hapur thoshte për kë do të votonte. Por nuk dilte pjesa e heshtur, e cila në Shkodër ka qenë mjaft e rëndësishme dhe vendimtare.
E parë në zhvillimet e sotme, duhet thënë se kemi parë gjatë kësaj fushate, edhe pse jo me shumë mbulim publik, një zhvillim të rëndësishëm. “Shtëpia e Lirisë” ka grumbulluar rreth vetes pjesën më radikale të militantëve të vjetër të PD-së: ish-zyrtarë të tatimeve, doganave, apo edhe policisë, që i kanë mbetur besnik Sali Berishës, por që gjatë 7 vjetëve të drejtimit të Voltana Ademit kanë qenë drejtorë, policë bashkiakë e agjentë tatimorë të bashkisë.
E ka qenë pikërisht Voltana me strukturat e bashkisë, që e ka bërë fushatën për Bardh Spahinë më të zhurmshme e më të dhunshme, ku janë kërcënuar të gjithë ata njerëz që po bëjnë edhe kanë bërë fushatë për kandidatin e PD-së Xhemal Bushati.
Kjo është bërë në mënyrën më të dukshme prej policëve bashkiakë që ditët e fundit kanë shkuar dyqan më dyqan e lokal më lokal duke thënë se “Do fitojë Bardhi, e ka vendos edhe Edi Rama me Gon Çelën, kështu që mos bëni gabim”. Efekti në zhurmë ka dhënë një lloj efekti, madje edhe m epostera, të cilët vihen me lejen e bashkisë që drejton ende Voltana.
Por sipas të gjitha gjasave, në Shkodër vendos shumica e heshtur, ajo që nuk bën zhurmë. Kështu konfirmon edhe profesori i Universitetit “Luigj Gurakuqi”, i cili ka qenë coordinator për shumë sondazhe në qark për vite e vite, por që ka preferencën që të mos dalë me emër. “Deri tani shumica e heshtur, sidomos në qytet, ku është edhe numri më i madh i zgjedhësve, ka votuar për atë parti që nuk ka pasur njerëz të fortë në establishment.
Nuk ëhtë i njohur në publik, por ka pasur ndër vite kandidatë socialist si Esmeralda Uruçi, Namik Kopliku, apo Keti Bazhdari që kanë marrë votat e asaj që quhet shumica e heshtur. E cila është determinante. Ajo do të vendosë edhe rezultatin e 6 marsit.
Sa për pjesët e tjera të zonave ka një lloj konfigurimi, të cilin nuk e lexon në sondazhin e euronevvsit. Kështu për shembull pjesa e rrethinave të qytetit fitohet nga PS, Ana e Malit e Velipojës nga PS, Ndërkohë që Dajçi është i PD-së së Bashës e Dukagjini ndahet më shumë për Bardh Spahinë”, thotë ai.
Përveç projeksioneve që vijnë nga një perceptim të përgjithshëm, ai që duket se ka marrë forcë nga sondazhet e nxjerra është LSI, e cila, duke qenë se kjo parti i ka dhënë siglën Bardh Spahisë dhe Sali Berishës, ka nisur të ndaje vendet e punës, për të mobilizuar sa më shumë rezultatin.
Duhet theksuar ndër të tjera se LSI, PD nuk kanë anëtarë të Këshillit Bashkiak, pasi bojkotuan zgjedhjet e 30 qershorit 2019. Si i PD-së apo LSI plus Berishës, ai kandidat nuk mund të miratojë asnjë buxhet nën shumicën socialiste e socialdemokrate në këshilll. i cili vendos për të gjitha gjërat që kanë të bëjnë edhe me numrin apo organikën e vendeve të punës…/TemA
Lajme të tjera
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
INTERVISTA/ Fehmi Abdiu: Ma riktheni Kushtetutën e 1998-s, arnat e shëmtuan
27 Nëntor, 16:52
-
Protesta e PD/ Ish-kryebashkiaku i Shkodrës Bardh Spahia konfrontohet fizikisht me Policinë
26 Nëntor, 17:14 -
'Masakra e Shkodrës me 4 të vrarë, pranga personit që vodhi 'Range Rover-in' e autorëve! Arrestimi u mbajt i fshehtë disa ditë, por s'pranoi të bashkëpunonte
26 Nëntor, 10:07
-
Aksident në aksin 'Shkodër-Koplik' mëngjesin e sotëm, automjeti përplasi për vdekje 80-vjeçarin
26 Nëntor, 08:15 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Shoqatat e ish-të Përndjekurve takim në Shkodër: 'Të nisin kërkimet për të zhdukurit e Komunizmit!' Imzot Massafra: Shteti të përshpejtojë procesin
25 Nëntor, 14:31
-
Nga Piemonti në Shkodër, pensionistët italianë: Hoqëm dorë nga gjithçka sepse jeta këtu kushton shumë më pak
25 Nëntor, 09:07
-
Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë
24 Nëntor, 10:00 -
Ylli Pata: E marta e kiametit...
23 Nëntor, 19:52
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Ikën stuhia, Shkodra përfshihet nga dëbora, të gjitha rrugët të kalueshme (VIDEO)
23 Nëntor, 11:55
