POP 5

Lajmet më të lexuara të 5 minutave të fundit

Opinion

Ylli Pata: Gërdeci, tragjedia e injoruar

I kërkova sot Ivës, të bijës së Zamira Durdës, një mundësi për intervistë më mamanë e saj. Të cilën e kam intervistuar disa herë në vite. Por Zamira, sapo kishtë dhënë një intervistë në Euronews pati një komplikim shëndetësor. Tensioni arterial ju rrit tej parashikimeve, dhe Iva, e bija kërkoi me edukatë që ta lërë për një ditë tjetër. Në fakt, më ka ndodhur disa 15 marse të flas me Zamira Durdën e për Zamirën

Ylli Pata: Gërdeci, tragjedia e injoruar

Zamira Durda

I kërkova sot Ivës, të bijës së Zamira Durdës, një mundësi për intervistë më mamanë e saj. Të cilën e kam intervistuar disa herë në vite. Por Zamira, sapo kishtë dhënë një intervistë në Euronews pati një komplikim shëndetësor. Tensioni arterial ju rrit tej parashikimeve, dhe Iva, e bija kërkoi me edukatë që ta lërë për një ditë tjetër. Në fakt, më ka ndodhur disa 15 marse të flas me Zamira Durdën e për Zamirën.

Mamanë e Edisonit, 8-vjeçarit që humbi jetën nga shpërthimi atomic i Gërdecit, ndërsa po i çonte drekën gruas së xhaxhait.

Zamira, është personazhi që e personifikon atë tragjedi, e cila nuk ka dashur kurrë një dëmshpërblim financiar, edhe pse i është ofruar më shumë se një herë. Ajo ka kërkuar drejtësinë për vrasjen e djalit të saj. “Dikush duhet të jetë fajtor”, e tha edhe sot në euronews dhe u mbyt nga të qarat.

Po si ka mundësi që jo vetëm Zamira Durdën, por Gërdecin nuk e kanë trajtuar asnjëherë për 15 vjet panelet kryesore televizive në vend, ata që përpunojnë opinionin, ata që kanë arritur të zbulojnë edhe prsonazhe që kanë fituar statusin e azilantit politik, vetëm se kanë qenë personazhe të emisioneve të darkës. 

Me atë që i ka ndodhur Zamira dhe familja e saj, mund të fitont statusin e azilantit politik menjëhrë. Madje që në vitin 2008. Pasi ka pasur edh joshje edh kërcënime; kur bashkëfshatarët e saj të Gërdecit  mënjanonin pasi morën milionat e fshehta nga qeveria e Sali Berishës për të ndërtuar shtëpitë e rrënuara. Pasi Zamira i besdiste, kërkonte drejtësi. Askush nga “invstigativët skupistë” nuk ka folur për katastrofën e Gërdecit, jo sot, por asnjëheerë, madje edhe analistët e mëdhenj. Kush janë viktimat?

Vërtetë kush janë, sepse ne sot njohim vetëm Edisonin dh baxhanakun e Sali Berishës. Edhe Edisoni është njohur prj së ëmës, Zamirës e cila ka bërë një betejë 15 vjeçarë në dyert e gjykatave me shpirt ndër dhëmbë e sot, kur djali tjetër i është bërë burrë  vajza grua, mendjen e ka te Edisoni, për të cilin me të drejtë kërkon të dijë përse u vra dhe kush është fajtori? 

Po të tjerët, 27 të tjerët që vdiqën pore dh 300 që u plagosën kush janë? Askush nuk i ka thënë, askush nuk ka shkuar në shtëpitë e tyre, askush nuk ka folur për ta, përveç disa mediave të shkruara e online, e natyrisht e atyre të huaja si New York Times, apo të tjerë, që e çuan historinë deri në Hollywod. E ku përveç Hollywood-it pati edhe gjyqe të Shkëlzen Berishës kundër autorit të librit amerikan për Gërdecin. 

Por jo, as për këto, e as për tragjedinë, viktimat, pasojat nuk flet kush nga media mainstream, shoqëria, aktivistët që bëjnë namin për ngjarje të rënda e mirë bëjnë, madje shumë mirë. Po si ka mundësi që nuk kanë kërkuar njëherë, të paktën njëherë, thjesht drejtësi për Gërdecin…

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51