Porpos linçimit me buton të qarqeve mediatike që janë në krahun e foltores, edhe një pjesë e kronikës së mediave kryesore po e raportojnë sherrin e fundit në kupolën e PD-së si një përplasje vule.
Është një luftë pushteti, ku Gazment Bardhi është njeriu i komanduar që ka në dorë të gjithë vulat e simbolet e Partisë Demokratike, e konteston çdo vendim e veprim të organeve të tjera si kryesia apo edhe degët e PD-së në 61 bashkitë e vendit.
Më saktë se një luftë pushteti, është një rezistencë e Bardhit, duke përfituar nga posti që mban për të mos ua bërë “grurë” pjesës tjetër, e kështu të nxjerrë sa më shumë pengesa në zgjedhjen e Lulzim Bashës si kryetar i Partisë Demokratike më 29 korrik.
Bardhi, sipas të gjitha gjasave nuk e shikon më veten të zgjedhur në strukturat e reja të PD-së, e këtë ai e ka parë me kohë. Sepse i është kundërvënë hapur më 14 maj vullnetit të shumicës së strukturave të PD-së për të dalë në zgjedhje me kandidatët e tyre.
Më 14 maj, davaja politike e Gazmend Bardhi me anëtarët e PD-së ka përfunduar. Njeriu që sot drejton PD nuk është vetëm një kundërshtues i rikthimit të Lulzim Bashës. Pasi ka shumë gjasa, që ky problem mund të zgjidhet me një kompromis sallonesh, siç ka ndodhur rëndom në PD edhe në partitë e tjera. Bardhi është një deputet që ka prishur marrëdhëniet me degën e PD të Elbasanit ku është drejtues politik, por edhe me degët e tjera që ai si Sekretar i Përgjithshëm ka për detyrë që t’i koordinojë.
Pse “kryengritja” e fundit e Bardhit s’ka lidhje me
Shkaku i kësaj marrëdhënie të prishur natyrisht që nuk është vetëm Gazment Bardhi, pasi kjo histori ka nisur si konspiracion që para përjashtimit të Sali Berishës nga grupi parlamentar në shtatorin e 2021-shit. Kur Lulzim Basha, krijoi lidhje të shkurtëra me krerët e degëve të PD-së, organizoi së bashku me ta rezistencën e 8 janarit 2022, kur suksesshëm ndaluan “pushtimin” e furisë berishjane. Kur Lulzim Basha, planifikoi hapat e një taktike kurth ndaj Berishës e Metës, si përgjigje ndaj grackës së 6 marsit 2022. Edhe pas dorëheqjes, Lulzim Basha nuk reshti kontaktet me bazën e PD-së, e cila u kthye realisht në një armatë e madhe bashiste. Edhe pse kjo u pasqyrua shumë pak në opinion e media, ishte një realitet që vulën e vuri më 14 maj.
Me fjalë të tjera Sekretari i Përgjithshëm i PD-së, Gazment Bardhi pra, u mbajt larg nga njerëzit e tij që ai kishte kompetencë për të mbajtur marrëdhënien e punës. Por, këtë e ka ditur zoti Bardhi, e sipas të gjitha gjasave, por edhe zhvillimeve, ai nuk e ka pranuar, e shumë herë dhe ka thënë të vetën. Por në politikë duhet të mbash qëndrim. Dy rrugë ka në këtë rast; ose Bardhi do mundohej të bindte e lobonte në bazë për të mbrojtur idetë e veta, ose të largohej nga një parti, ku ai nuk e gjen veten. Largimi de fakto erdhi më 14 maj, ku Bardhi së bashku me Jorida Tabakun e një grup deputetësh ju kundërvunë planit të bazës së PD-së për të konkurruar me kandidatët e tyre. E si pasojë, Bardhi përkrahu, apo favorizoi koalicionin e Sali Berishës dhe Ilir Metës. Të cilët shumica e strukturave të PD-së nuk e konsiderojnë pjesë të “demokratëve”, por një grup politik a tarikat që ka kërkuar e luftuar për të asgjesuar e neutralizuar degët e PD.
Ndaj, e gjithë përpjekja e Bardhit, është më shumë se inerci, pasi politikisht ai e bëri zgjedhjen. Nuk u lineua me partinë e tij më 14 maj. Nëse “Bashkimi për Fitore” do të arrinte të fitonte të paktën bashkitë e bastioneve, situata do të ishte krejt ndryshe. Por, BF humbi gjithçka duke u shpartalluar politikisht. Kjo ndodhi sepse demokratët, së pari anëtarët, e së dyti votuesit e PD nuk donin të mbështesnin kandidatët e Meta-Berishës. Davaja e Gaz Bardhit u mbyll atë ditë kur bëri zgjedhjen politike. E cila natyrisht nuk ishte e menduar, por e shtyrë prej një inercie, e ajo që ka rëndësi pa dëgjuar demokratët në territor. Gjithsesi, Bardhi por edhe të tjerët kanë një shans të fundit. Të paraqesin një mocion, një ide, një program sesi e duan PD dhe çfarë i ofrojnë atyre demokratëve që nuk u bënë me foltoren. E të sfidojnë Lulzim Bashën qoftë edhe duke lobuar tek demokratët për të mos e votuar më 29 korrik. Tjetër rrugë në PD nuk kanë. Nuk është çështje vule.
Komente
Lajme të tjera
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35 -
Pse priti deri në fund Berisha, çfarë shpresonte?
22 Nëntor, 13:08
-
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
Buxheti 2025/ PD propozon 28 Amendamente: Minimumi jetik 200 euro, rritje e pensioneve dhe shtim i fondeve te Onkologjiku (E PLOTË)
21 Nëntor, 15:55 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25
Nuk u lineua !!!! te shpafte lineua...
Përgjigju