POP 5

Lajmet më të lexuara të 5 minutave të fundit

Opinion

Ylli Pata: Revolucioni që gjen armiq sezonalë për të shantazhuar SPAK!

Fabula e sapogjetur ku fajësohet Charles McGonigal se ka krijuar SPAK-un, natyrisht që ka lidhje më shumë në betejën e Sali Berishën për 3 marsin, sesa realisht ajo që quhet vula e PD-së.

Ylli Pata: Revolucioni që gjen armiq sezonalë për të shantazhuar SPAK!

Ish-kryeministri Sali Berisha

Fabula e sapogjetur ku fajësohet Charles McGonigal se ka krijuar SPAK-un, natyrisht që ka lidhje më shumë në betejën e Sali Berishën për 3 marsin, sesa realisht ajo që quhet vula e PD-së.

Hapja nga Prokuroria e SPAK të disa dosjeve të mëdha si gërdeci, 21 janari, CEZ-DIA, klubi Partizani etj e tj, do të jenë realisht objekti i një politike më të gjatë sesa ajo për të marrë legjitimitetin e opozitës. Si Berisha e si Meta, nuk se kanë nge të marrin përsipër për të riformuar e ribashkuar të gjithë opozitën për ta kthyer atë në një forcë qeverisëse. Ngaqë i leverdis një kordon sanitar pranë saj, për të hapur një vatër krize, që si territor ka selinë e SPAK.

Një zhvillim që tashmë nuk ka nevojë për tu çkoduar e marrë vesh nga mesazhe fjalëkryqesh pasi çdo deklaratë është e hapur.

Për Berishën e Metën, si dhe mbështetësit e tyre mediatikë që hapin faqet çdo mëngjes: SPAK, vettingu dhe e gjithë reforma në drejtësi nuk është gjë tjetër vetëm një mekanizëm i familjarëve të ministrave të Edi Ramës. Sipas tyre, të gjithë prokurorët e larguar, nga Adriatik Llalla e deri ata që sot janë analistë par exellanxe i paneleve të darkës, nuk u larguan se kanë prekur kriteret e vënë tashmë nga ONM-ja dhe kushtetuta, por thjesht janë vendime të marra nga qeveria.

E për ta bërë edhe më aktuale i fusin një personazh ndërkombëtar, të cilit sipas stinës i bëjnë biografinë momentale. Deri tani, janë mbi 30 figurat ndërkombëtarë, që cilësohen nga Berisha e Meta si përbindshat që kanë kryer “Ramaformën” siç i thonë ata reformës në drejtësi. E si shkak përgjithësisht gjenden motive erotike apo korruptive që kanë shtyrë për të ngritur prokurorinë e SPAK që sot po hetojnë Sali Berishën e Ilir Metën.

Në vitin 2016, e nisën me kroaten Romana Vlahutin, ambasadore e BE-së në Tiranë. E filluan me motive erotike, për ta shtyrë më pas me të ashtuquajturën çështje të blerjes së vilës. E vila, sot është rezidencë e Bashkimit Europian në Tiranë, 6 vjet pas ikjes së Vlahutin, e motive erotik u shkri për turpin e njerëzve që nuk lënë gjë pa shpikur. Sot Romana Vlahutin është një zyrtare e lartë e BE-së, që ka shumë gjasa që do ta harrojë gjithë atë stress që ka kaluar në Tiranë, thjesht sepse bëri detyrën. 

Pas Vlahutinit, radha i ra Donald Lu-së, ambasadorit të SHBA-së në Shqipëri, të cilin gjithashtu e cilësuan si njeriu që po krijon SPAK-un. E akuzuan me gojën e Adriatik Llallës, duke i vënë sërish motiv erotik dhe financiar si motivim për mbështetjen që ai kishte ndaj reformës në drejtësi, por edhe për gjuetinë e frikshme e “Peshqve të Mëdhenej”. Donald Lu-në e shkretë e sulmuan edhe kur u bë ambassador në Kirgistan, duke u bërë aleatë me Moskën, që gjithashtu e shikonte SHBA si armike politike në zhvillimet aziatike.

Sot Donald Lu është një zyrtar që ka shkuar me ngritje në qeverinë e SHBA, përkatësisht në Departamentin e Shtetit. Nuk e përmend kush, e kanë harruar, sepse sot kanë në axhendë ambasadoreen Yuri Kim, e cila i tmerroi duke thënë se enuk do të largohete shpejt por do të rrijë gjatë, për të parë se çndodh me reformën në drejtësi. Edhe ambasadores Kim i kanë vënë motive ereotike e financiare si motivim për shyrjen e reformës në drejtësi. Por duke parë se një telenoveleë nuk mund të mbahet gjatë, ndërrojnë titullin, edhe psee duket se ngjarjet janë pak a shumë të njëjta.

Kështu kanë gjetur Charles McGonigal, si njeriun që ka ndërtuar SPAK, pasi tani fabula e tij eceën. Do ta mbajnë edhe pak, derisa koha të gjej një tjetër. Edhe poe nuk pati, aty është Sorosi e fondacioni i tij. Por lista nuk mbaron me kaq. Në të shkuarën, u sulmuan erotikisht edhe Federica Mogherini, shefe e diplomacisë së BE-së, apo edhe eurodeputeti gjerman, Knut Fleckenstein, të cilit gjithashtu i gjetën një dashnore në Tiranë. 

Po prit see ka edhe më: a nuk u kërcënua për “video erotike” edhe aembasadori i BE-së në Tiranë, Luigi Sorecae, njëjtë si kolegët e tij të sotëm të SHBA e Britanisë së Madhe? Normalisht që po. Por të gjitha këto histori i kanë harruar të gjithë, kurse ata që i përsërisnin përnatë në panele ka shumë gjasa edhe të mos i mbajnë mend. Pasi qëllimi nuk kanë qenë ata, por thjeesht për të gjetur një armik stinor për të shantazhuar SPAK.

Po sikur përpara 3 marsit në Tiranë të vijnë për të pirë kafe: Donald Lu, Romana Vlahutin, Luigi Soreca, Federeica Mogherini, Knut Fleckenesteein, Bern Borchardt, Luigi Soreca, së bashku me Yuri Kim dhe Alastair King-Smith? Ose më 3 mars, fiks afër vendit ku është lënë që t’i bëhet presion gjykatës? A do të vijë i sëmuri i Romës në Tiranë?!

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06