Sot SPAK ka shpallur se do të thërrasë javën e ardhshme Sali Berishën për çështjen e klubit “Partizani”, ndërkohë që denoncimet për Ilir Metën po rriten në mënyrë eksponenciale.
Njerëzit që shikojnë nga larg, ngrenë pikëpyetjet: çfarë do të ndodhë me gjithë këtë material? Do arrihet gjëkundi apo bëhet fjalë për një lojë si ajo e komisarit te “Dueli i Heshtur”?
Kushdo që e njeh sadopak punën në një zyrë shteti, e di se vetëm të shkruash në kompjuter nga e para të gjithë këto material, të thërrasësh personat që i kanë kallëzuar, e më pas njerëzit që përfliten, e të ndjekësh faktet mbi të cilat ngrihen pretendimin, e në fund të gjesh prova, është një punë kolosale.
E gjitha kjo situatë, ndoshta, ndoshta mori shkas nga deklarata e kreut të SPAK në Zërin e Amerikës se Prokuroria Speciale Kundër Krimit e Korrupsionit punon në bazë të kallëzimeve.
E këtu nisi ajo që po ndodh një valë e pambarimtë padish. Shto këtu dosjet e vjetra, apo edhe denoncimet e pafundme që nuk kanë dalë në media.
Po si do të veprojë SPAK me këtë fluks, kur realisht kapacitetet e saj administrative janë të kufizuara. E meqë ra fjala për javën tjetër, si do veprojë SPAK, si ai oficeri osman përballë Ismail Qemalit te “Nëntori i Dytë”, kur i tha “se ka një urdhër arresti për ju”, e Ismaili-Sandër Prosi ja ktheu: “Kur arrestuat Abdyl Frashrin nuk ishit kaq të sjellshëm”. E natyrisht nuk është analogjia as rasti, por vërtetë Prokuroria e Adriatik Llallës nuk ishte kaq e sjellshme sa SPAK-u sot ndaj Saimir Tahirit.
Prokuroria Speciale kundër krimit e korrupsionit, nuk e ndjek këtë procedure, pra hetimin me denoncim, kur ka vepruar e vepron ndaj narkotrafikut apo krimit të organizuar, ku përgjithësisht bashkëpunon me partner ndërkombëtarë si Antimafia italiane, DEA amerikane, apo edhe prokuroritë e Europës.
Homologë të SPAK-ut në Ballkan si USOK-u kroat apo prokuroria speciale në Rumani, ka ndjekur çështje të mëdha, edhe nëse nuk ka pasur denoncime, por prova, që i kanë siguruar hetuesit e prokurorët. Ku u shpallën të pandehur ministra, kryeministra president, politikanë e zyrtarë të lartë.
A do të ndodhë e gjitha kjo edhe në Shqipëri? Shumë kanë pak pritshmëri, megjithatë reforma e re në drejtësi ka një gjë që nuk shmanget dot. Nuk mund të mbyllet një dosje aq kollaj, pa kaluar në sitën e prokurorëve të gjithë personat që përmenden, apo akuzohen në denoncimet përkatëse. Pasi ligjërisht është zvogëluar mundësia e mbylljes me procedurë, e aq më pak precedenti “Tahiri” ku publiku pa jo vetëm vendim, por edhe zbatim të tij sipas modelit “drakonian”.
Por në fund të fundit, të gjitha këto hetime që janë në ecuri e sipër do të ecin përpara, do të shikojmë sqarime e deponime, deklarime e kundërshtime, sqarime por edhe vendime prokurorësh dhe dispozita gjykatash. Po pyetja është, a do të kemi një pasqyrim të drejtë dhe të plotë nga panelet e darkës për të gjitha këto dosje? Gjithsesi, më shumë se media, në sprovë sot është drejtësia e re…
Komente
Lajme të tjera
-
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
Ka merak shoku Pata pse ja bene "ashtu" Tahirit. Ne fakt nje gazetar i pamvarur do te ishte i lumtur qe Berisha, Meta apo Rama te ishin shoke qelie me Tahirin.
Përgjigju