Tapeti i kuq po shfrytëzohet nga aktorët, për të promovuar edhe diçka tjetër.
Kështu një nga aktoret më në zë të Kosovës, Yllka Gashi është shfaqur në muajt e fundit të shtatzanisë jo për të promovuar ndonjë film, por si e ftuar speciale me bashkëshortin e saj Albian Gagica.
Ka disa vite që janë të martuar, por këtë vit ajo po shijon shtatzaninë e saj të parë, përderisa këtë ardhje të re ajo e ka festuar me bashkëshortin në bregdetin turk para 2 muajve.
E bukur dhe me plot sharm, ajo i jep hijeshi ekranit kosovar sa herë që shfaqet me projektet filmike. Yllka është pjesë e një prej serialeve më jetëgjatë në Kosovë, ''Familja moderne'' ku luan rolin e Zanës.
(xh.k/shqiptarja.com)