POP 5

Lajmet më të lexuara të 5 minutave të fundit

Shëndeti

Yndyrnat e larta në gjak, shkak i sëmundjeve të zemrës, kardiologu: Ndodh nga kequshqyerja, stresi dhe jeta sedentare

Sëmundjet e zemrës, janë shkaktari kryesor i vdekjeve të parakohshme si dhe invaliditetit të miliona njerëzve në botë. Një ndër shkaqet kryesore janë yndyrnat e larta në gjak, për të cilën mjekët bëjnë thirrje për një jetesë më të shëndetshme

Yndyrnat e larta në gjak të njohur si Dislipidemia, janë kthyer në shkakun kryesor për problemet kardiake. 

Naltin Shuka kardiolog në Qendrën Spitalore Universitare Nënë Tereza, thotë se më të riskuarat janë moshat e mëdha, por kjo problematikë po haset gjithnjë e më tepër edhe tek të rinjtë.

Shkaqet kryesore të yndyrnave të larta në gjak është jeta sedentare, kequshqyerja, apo edhe konsumimi i duhanit dhe alkoolit.

Pozitive sipas këndvështrimit të mjekut, është se kjo sëmundje është e kurueshme përmes ndryshimit të stilit të jetesës, por edhe medikamenteve.

“Janë disa faktor risku që shkaktojnë sëmundjet kardiovaskulare. Yndyrnat e larta në gjak bëjnë një ndër shkaqet madhore për sëmundjet kardiovaskulare. Dilipedemia, bëjnë ato grup faktorësh që janë të modifikueshëm. Dislipedemia janë faktor që modifikohen. Nëse bëjmë kujdes me stilin e jetesës, mjekimit. Mund ta modifikojmë këtë profil. Modifikimi i stilit të jetesës. Që nga regjimi dietik, sforcimi fizik. Shtylla e dytë është trajtimi me medikamente. Ndër shkaqet kryesore, që është vënë re dhe tek të rinjtë janë dislipedemitë. Vijnë nga një stil jetese të çrregullt. Për shkak të jetës sedentare, aktivitetit fizik. Kemi dhe një klas pacientësh që janë me dislipedemi të lindur”- tha ai.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49